മുന്നൂറിലധികം എടിഎമ്മുകളില്‍ സ്കിമ്മറുകള്‍ ഉപയോഗിച്ച്‌ വിവരങ്ങള്‍ ചോര്‍ത്തി;റൊമേനിയന്‍ പൗരന്മാര് പിടിയില്‍
ന്യൂഡല്‍ഹി: നിരവധി എടിഎം ഉപയോക്താക്കളുടെ അക്കൗണ്ട് വിവരങ്ങള്‍ ചോര്‍ത്തിയ രണ്ടു റൊമാനിയന്‍ പൗരന്മാര് അറസ്റ്റില്‍. ശനിയാഴ്ച ന്യഡല്‍ഹിയിലാണ് ഇവര്‍ അറസ്റ്റിലായത്. ഇന്ത്യയിലുടനീളം മുന്നൂറിലധികം എടിഎം വിവരങ്ങള്‍ ഇവര്‍ ചോര്‍ത്തിയെന്നാണു സംശയിക്കുന്നത്.
കൊല്‍ക്കത്തയിലെ ഒരു എ.ടി.എമ്മില്‍ നിന്ന് മാത്രം 20 ലക്ഷം രൂപയാണ് ഇവര്‍ കവര്‍ന്നത്.
അന്താരാഷ്ട്ര തട്ടിപ്പ് ശൃംഖലയിലെ കണ്ണികളാണ് പിടിയിലായ ഇരുവരുമെന്ന് കൊല്‍ക്കത്ത ജോയിന്റ് പൊലീസ് കമ്മിഷണര്‍ പ്രവീണ്‍ തൃപാഠി പറഞ്ഞു.
ഉപയോക്താക്കളുടെ എ.ടി.എം കാര്‍ഡ് വിവരങ്ങള്‍ കൈക്കലാക്കുന്ന സ്‌കിമ്മിംഗ് ഉപകരണങ്ങള്‍ ഇവരില്‍ നിന്നും കണ്ടെടുത്തിട്ടുണ്ട്.
കോടതിയില്‍ ഹാജരാക്കിയ പ്രതികളെ വിശദമായ അന്വേഷണത്തിനായി പൊലീസ് കസ്റ്റഡിയില്‍ വിട്ടു.
സ്കിമ്മറുകള്‍ ഉപയോഗിച്ച്‌ ഡെബിറ്റ് കാര്‍ഡ് വിവരങ്ങള്‍ ചോര്‍ത്തുന്ന അന്താരാഷ്ട്ര സംഘത്തിന്‍റെ ഭാഗമാണ് ഇവരെന്നു പോലീസ് സംശയിക്കുന്നു. എടിഎം വിവരങ്ങള്‍ ചോര്‍ത്തിയതായി 45 പേരാണ് പോലീസില്‍ പരാതിപ്പെട്ടിരിക്കുന്നത്.
