വീണ്ടും ആള്ക്കൂട്ടക്കൊലപാതകം; പശുക്കളെ കടത്തിയെന്ന് പറഞ്ഞ് ഒരാളെ തല്ലിക്കൊന്നു.
ജയ്പൂര്: രാജസ്ഥാനില് പശുവിന്റെ പേരിൽ വീണ്ടും ആള്ക്കൂട്ടകൊലപാതകം. 50 വയസുകാരനായ അക്ബര് ഖാന് എന്നായാളെയാണ് ശനിയാഴ്ച പുലര്ച്ചെ ഒരുകൂട്ടം പേര് ചേര്ന്ന് മര്ദ്ദിച്ചുകൊന്നത്. ഹരിയാന സ്വദേശിയായ അക്ബര് ഖാന് തന്റെ താമസ സ്ഥലമായ കൊല്ഗാന്വില് നിന്ന് രണ്ട് പശുക്കളെ രാംഗറിലേക്ക് കൊണ്ടുപോകുമ്പോഴാണ് ഗോരക്ഷകരുടെ ആക്രമണത്തിനിരയായത്.
പോലീസ് സംഭവത്തില് അന്വേഷണം തുടങ്ങിയിട്ടുണ്ട്. അക്ബറിന്റെ മൃതദേഹം അല്വാറിലെ സര്ക്കാര് ആശുപത്രിയിലാണ്.
കഴിഞ്ഞ വര്ഷം പെഹ്ലുഖാന് എന്ന 50 വയസുകാരനെ പശുക്കടത്തിന്റെ പേരില് ക്രൂരമായി കൊലപ്പെടുത്തിയ അല്വാറില് തന്നെയാണ് അതേ തരത്തിലുള്ള മറ്റൊരു കൊലപാതകം ഇന്ന് നടന്നിരിക്കുന്നത്.
പശുവിന്റെ പേരിലുള്ള ആള്ക്കൂട്ട കൊലപാതകങ്ങള്ക്കെതിരെ ശക്തമായ നടപടി സ്വീകരിക്കണമെന്ന് സുപ്രീംകോടതി ആവശ്യപ്പെട്ടതിന് തൊട്ടുപിന്നാലെയാണ് പുതിയ സംഭവം