വിവാദങ്ങള് അവസാനിപ്പിക്കണം:രേവതി,പത്മപ്രിയ, പാര്വതി എന്നിവരെ ചര്ച്ചയ്ക്ക് വിളിച്ച് ‘അമ്മ’
കൊച്ചി: വിമെന് ഇന് സിനിമാ കളക്ടീവ് ഭാരവാഹികളെ താരസംഘടനയായ ‘അമ്മ’ ചര്ച്ചയ്ക്ക് വിളിച്ചു.നടിമാരായ പാര്വതി, പദ്മപ്രിയ, രേവതി എന്നിവരെയാണ് ചര്ച്ചയ്ക്ക് വിളിച്ചിരിക്കുന്നത്. അടുത്ത മാസം 7ാം തിയ്യതിയാണ് ‘അമ്മ’ നടിമാരെ ചര്ച്ചയ്ക്ക് വിളിച്ചിരിക്കുന്നത്.
ദിലീപിനെ തിരിച്ചെടുക്കാനുള്ള തീരുമാനത്തില് വനിതാ അംഗങ്ങളെന്ന നിലയില് ആശങ്കയുണ്ടെന്ന് ചൂണ്ടിക്കാട്ടി നേരത്തെ മൂവരും കത്ത് നല്കിയിരുന്നു. ജൂണ് 24ന് ചേര്ന്ന ‘അമ്മ’ ജനറല് ബോര്ഡ് യോഗത്തിന്റെ അജണ്ടയിലുള്പ്പെടുത്താതെയും അംഗങ്ങളുമായി വേണ്ടത്ര കൂടിയലോചിക്കാതെയുമാണ് ഈ തീരുമാനം എടുത്തതെന്നാണ് ഡബ്ല്യൂസിസിയുടെ പരാതി.
ദിലീപിനെ തിരിച്ചെടുക്കാന് തീരുമാനിച്ചതുമായി ബന്ധപ്പെട്ട വാര്ത്തകള് പുറത്ത് വന്നപ്പോള് ആക്രമിക്കപ്പെട്ട നടിയടക്കം നാല് നടിമാര് സംഘടനയില് നിന്ന് രാജിവച്ച് പുറത്ത് പോയിരുന്നു. റിമ കല്ലിങ്കല്, രമ്യ നമ്പീശന്, ഗീതു മോഹന്ദാസ് എന്നിവരാണ് രാജിവച്ചത്. നിരപരാധിത്വം തെളിയിക്കാതെ സംഘടനകളിലേക്ക് തിരിച്ചു വരില്ലെന്ന് ദിലീപ് വ്യക്തമാക്കിയിട്ടുണ്ട്.