Categories: Latest News

മധ്യകേരളത്തില്‍ സംഹാരതാണ്ഡവമാടി മഴ; ഇന്ന് രണ്ടു മരണം; കോട്ടയം പട്ടണം വെള്ളത്തിലായി; എംസി റോഡില്‍ ഗതാഗതം നിര്‍ത്തി; എറണാകുളത്ത് ഗതാഗതതടസ്സം

മധ്യകേരളത്തില്‍ ശക്തമായ മഴ നാലാംദിവസവും തുടരുന്നു. ഇന്ന് രണ്ടുപേര്‍ മരിച്ചു. ചെലവന്നൂര്‍ കായലില്‍ വള്ളം മറിഞ്ഞ് വൈപ്പിന്‍ സ്വദേശി സുബ്രഹ്മണ്യനും തൃശൂര്‍ പുല്ലഴി കോള്‍പാടത്ത് ഷൊര്‍ണൂര്‍ സ്വദേശി കുന്നത്ത് ബിജോയിയുമാണ് മുങ്ങിമരിച്ചത്.

ആലപ്പുഴ എംസി റോഡില്‍ വെള്ളക്കെട്ടു തുടരുന്നതിനാല്‍ ഈ വഴിയുള്ള ഗതാഗതം പൂര്‍ണമായും നിര്‍ത്തി. എംസി റോഡ് തുടങ്ങുന്ന സ്ഥലത്തു വച്ചു തന്നെ റോഡ് ബ്ലോക്ക് ചെയ്ത് ഗതാഗതം നിരോധിച്ചു. കോട്ടയത്തേക്കുള്ള യാത്രക്കാര്‍ക്കായി കെഎസ്ആര്‍ടിസി അമ്പലപ്പുഴ വഴി തിരുവല്ലയ്ക്കു സര്‍വീസ് നടത്തുന്നുണ്ട്.

എറണാകുളം കത്രിക്കടവില്‍ മഴയെ തുടര്‍ന്നു റോഡില്‍ കുഴി രൂപപ്പെട്ടു. ഇതോടെ ഗതാഗതം തടസ്സപ്പെട്ടു. ഒരു മണിക്കൂറിലേറെ സമയമെടുത്താണ് ഇതുവഴി വാഹനങ്ങള്‍ കടന്നുപോകുന്നത്. കോട്ടയം ജില്ലയിലെ കുമരകം, വൈക്കം തുടങ്ങി പടിഞ്ഞാറന്‍ മേഖലകളില്‍ വെളളപ്പൊക്കവും മഴക്കെടുതികളും അതിരൂക്ഷമാണ്.

മണിമലയാറും കരകവിഞ്ഞ് ഒഴുകുകയാണ്. കുട്ടനാട്ടില്‍ ജലനിരപ്പ് ഉയര്‍ന്നു. ഇതോടെ കൂടുതല്‍ പ്രദേശങ്ങള്‍ വെള്ളപ്പൊക്ക ഭീഷണിയിലായി. പ്രകൃതി ദുരന്തത്തില്‍ കേരളത്തില്‍ ഇതുവരെയുള്ള നഷ്ടം 192.49 കോടി രൂപ. മെയ് 29 മുതല്‍ ജൂലൈ 18 രാവിലെ വരെയുള്ള കണക്കാണിത്. കണ്ണൂരിലാണ് ഏറ്റവും കൂടുതല്‍ നഷ്ടം–31.91 കോടി. ഇടുക്കി (24.19 കോടി), തൃശൂര്‍ (19.78 കോടി) എന്നീ ജില്ലകളാണ് തൊട്ടടുത്ത സ്ഥാനങ്ങളിലെന്ന് ലാന്‍ഡ് റവന്യു കമ്മിഷണറേറ്റ് അറിയിച്ചു.

കോട്ടയം, ആലപ്പുഴ, ഇടുക്കി, എറണാകുളം ജില്ലകളില്‍ ശക്തമായ കാറ്റോടുകൂടി ഇന്നലെ രാത്രി കനത്ത മഴ പെയ്തു. മീനച്ചിലാറ്റില്‍ അപകടരേഖയ്ക്ക് മുകളിലാണ് ജലനിരപ്പ്. ഇതോടെ കോട്ടയം വഴിയുള്ള പത്തുട്രെയിനുകള്‍ റദ്ദാക്കി. മീനച്ചിലാറിന് കുറുകെയുളള പാലങ്ങളിലൂടെ വേഗം കുറച്ചാണ് ട്രെയിനുകള്‍ കടത്തിവിടുന്നത്.

ശനിയാഴ്ച വരെ അതിശക്തമായ മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്‍കി. അതി തീവ്രമായ ഒറ്റപ്പെട്ട മഴക്കും സാധ്യതയുണ്ട്. മണിക്കൂറില്‍ 60 കിലോമീറ്റര്‍വരെ വേഗതയുള്ള കാറ്റുണ്ടാകും. തെക്കന്‍ കേരളത്തില്‍ തിരുവനനന്തപുരത്ത് മഴക്ക് നേരിയ ശമനം ഉണ്ടായിട്ടുണ്ട്. എന്നാല്‍ കടല്‍പ്രക്ഷുബ്ധമാണ്.

ശക്തമായ കടല്‍ക്ഷോഭത്തില്‍ വിഴിഞ്ഞം തുറമുഖ പദ്ധതിപ്രദേശത്ത് കനത്ത നാശനഷ്ടം. കടലില്‍ സ്ഥാപിച്ച പൈലിങ് യൂണിറ്റുകളിലേക്കുള്ള അപ്രോച്ച് പാലം തിരയടിയില്‍ പൂര്‍ണമായി തകര്‍ന്നു. അപ്രോച്ച് പാലത്തിന്റെ ഉരുക്ക് അടിത്തറയുള്‍പ്പടെ ഇന്നലെയുണ്ടായ ശക്തമായ തിരയടിയില്‍ തകര്‍ന്നുവീഴുകയായിരുന്നു. പാലത്തിന് സമീപത്തുണ്ടായിരുന്ന ഇതര സംസ്ഥാന തൊഴിലാളി ദേവേന്ദ്രയ്ക്ക് പരുക്കേറ്റു.

പൈലിങ് യൂണിറ്റില്‍ കുടുങ്ങിയ 17 തൊഴിലാളികളെ ഇന്ന് പുറത്തെത്തിച്ചു. പദ്ധതി പ്രദേശത്തെ പുലിമുട്ടിന്റെ ഒരു ഭാഗവും തകര്‍ന്നു. ഇതോടെ നിര്‍മാണപ്രവര്‍ത്തനങ്ങള്‍ നിലച്ചു. ഇവിടെ കടലില്‍ നിന്ന് ഡ്രഡ്ജ് ചെയ്‌തെടുത്ത കരയുടെ ഒരു ഭാഗവും തിരയെടുത്ത നിലയിലാണ്.

Share
Published by
evartha Desk

Recent Posts

എംഎല്‍എ ഹോസ്റ്റലിലെ പീഡനം: ഡിവൈഎഫ്‌ഐ നേതാവിനെതിരെ തെളിവ്

യുവ ഡിവൈഎഫ്‌ഐ പ്രവര്‍ത്തകയോട് അപമര്യാദയായി പെരുമാറിയ ഡിവൈഎഫ്‌ഐ നേതാവ് ജീവന്‍ലാലിനെതിരെ തെളിവുകള്‍. ജീവന്‍ലാല്‍ എംഎല്‍എ ഹോസ്റ്റലില്‍ പീഡനശ്രമം നടന്ന ദിവസം താമസിച്ചതിനുള്ള തെളിവുകളാണ് പോലീസിന് ലഭിച്ചത്. ഇരിങ്ങാലക്കുട…

7 mins ago

ബിഗ് ബോസ് റിയാലിറ്റി ഷോയില്‍ നിന്ന് ശ്രീശാന്തിന് ‘പണികിട്ടി’: 50 ലക്ഷം രൂപ പിഴ അടക്കേണ്ടി വരും

സല്‍മാന്‍ ഖാന്‍ അവതാരകനാകുന്ന ബിഗ് ബോസ് റിയാലിറ്റി ഷോയില്‍ നിന്ന് ഒഴിയുകയാണെങ്കില്‍ മുന്‍ ഇന്ത്യന്‍ ക്രിക്കറ്റ് താരം ശ്രീശാന്ത് 50 ലക്ഷം രൂപ പിഴ അടക്കേണ്ടി വരും.…

21 mins ago

5000 ജൂനിയര്‍ ആര്‍ട്ടിസ്റ്റുകള്‍, നൂറു കണക്കിന് കാറുകള്‍: പൃഥ്വിരാജിന്റെ ‘ലൂസിഫറി’ലെ മെഗാ മാസ് രംഗം ഷൂട്ട് ചെയ്യാന്‍ മാത്രം ചിലവ് രണ്ടരക്കോടി രൂപ

മോഹന്‍ലാല്‍ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന സിനിമയാണ് ലൂസിഫര്‍. യുവ സൂപ്പര്‍സ്റ്റാര്‍ പൃഥ്വിരാജ് ആദ്യമായി സംവിധാനം ചെയ്യുന്ന സിനിമയാണ് എന്നതുകൂടിയാണ് ആ കാത്തിരിപ്പിന്റെ കാരണം. ചിത്രത്തിന്റെ ഷൂട്ടിങ്ങ്…

59 mins ago

ആരും ഒന്ന് നോക്കിപ്പോകും ഈ രണ്ടുവയസുകാരിയുടെ കണ്ണുകള്‍ കണ്ടാല്‍: പക്ഷേ വലിയ കണ്ണുകള്‍ക്ക് പിന്നില്‍ വേദനിപ്പിക്കുന്ന ഒരു രഹസ്യമുണ്ട്

എന്തൊരു സുന്ദരിയാണ്. എന്തൊരു അഴകാണ് നിന്റെ കണ്ണുകള്‍ക്കെന്ന് ആരും അറിയാതെ പറഞ്ഞുപോകും. അത്രയും മിഴിവും അഴകുമാണ് രണ്ടുവയസ്സുകാരിയായ മെഹലാനിയുടെ കണ്ണുകള്‍ക്ക്. ജനിക്കുമ്പോഴേ മെഹലാനിയുടെ കണ്ണുകള്‍ അങ്ങനെ തന്നെയായിരുന്നു.…

2 hours ago

വിനോദ സഞ്ചാരികള്‍ തീര്‍ച്ചയായും കണ്ടിരിക്കേണ്ട പഴയ സോവിയറ്റ് യൂണിയനിലെ ബസ് സ്റ്റോപ്പുകള്‍

ആളുകള്‍ക്ക് വെയിലും മഴയും കൊള്ളാതെ ബസിനായി കാത്തുനില്‍ക്കാനൊരിടം അതാണ് ബസ് സ്റ്റോപ്പുകള്‍ അഥവാ ബസ് കാത്തിരിപ്പു കേന്ദ്രങ്ങള്‍. അത്തരത്തില്‍ പലതരം ബസ് സ്റ്റോപ്പുകള്‍ കണ്ടിട്ടുണ്ടാവുമെങ്കിലും പഴയ സോവിയറ്റ്…

2 hours ago

തന്റെ രോഗത്തെക്കുറിച്ച് തുറന്ന് പറഞ്ഞ് നടി പ്രിയങ്ക ചോപ്ര

താന്‍ ആസ്മാ രോഗിയാണെന്ന വിവരം തുറന്ന് പറഞ്ഞ് നടി പ്രിയങ്ക ചോപ്ര. ട്വിറ്ററിലൂടെയാണ് തന്റെ രോഗത്തെ കുറിച്ച് പ്രിയങ്ക തുറന്നു പറഞ്ഞത്. പ്രിയങ്ക തന്നെ അഭിനയിച്ച ഇന്‍ഹേലറിന്റെ…

2 hours ago

This website uses cookies.