‘പേരന്പു’മായി അമ്പരപ്പിച്ച് മമ്മൂട്ടി; വീഡിയോ
മമ്മൂട്ടി നായകനാകുന്ന ‘പേരന്പ്’ എന്ന തമിഴ്ചിത്രത്തിന്റെ ടീസര് പുറത്തിറങ്ങി. തമിഴ് സംവിധായകന് റാം ഒരുക്കുന്ന ചിത്രത്തില് അമുധന് എന്ന കഥാപാത്രമായാണ് മമ്മൂട്ടിയെത്തുന്നത്. റോട്ടര് ഡാം ഫിലിം ഫെസ്റ്റിവലിന്റെ ഓഡിയന്സ് അവാര്ഡ് ലിസ്റ്റില് 17 ാം സ്ഥാനത്ത് റാം സംവിധാനം ചെയ്ത ഈ ചിത്രം എത്തിയിരുന്നു.
റെസറക്ഷന് എന്ന ടൈറ്റിലില് മേളയിലെത്തിയ ചിത്രം 4,324 വോട്ടുകള് നേടിയാണ് 17 ാം സ്ഥാനത്തെത്തിയത്. റിപ്പോര്ട്ടുകള് പ്രകാരം വളരെ വൈകാരികത നിറഞ്ഞ ഒരു കുടുംബ ചിത്രമാണ് പേരന്പ്. അപൂര്വ അസുഖബാധിതയായ മകളുടെ ദുരിതങ്ങളെ ഉള്ളിലേല്ക്കുന്ന അച്ഛന്റെ നോവുഭാരങ്ങളെ മമ്മൂട്ടി അത്യപൂര്വ്വ മികവോടെ അവതരിപ്പിക്കുന്നു.
സമുദ്രക്കനി, ട്രാന്സ്ജെന്ഡറായ അഞ്ജലി അമീര് എന്നിവരും പ്രധാന വേഷത്തിലുണ്ട്. ഒപ്പം മലയാളത്തില്നിന്ന് സിദ്ദീഖും സുരാജ് വെഞ്ഞാറമൂടും ഉണ്ട്. യുവാന് ശങ്കര് രാജയാണ് സംഗീതമൊരുക്കിയത്. തേനി ഈശ്വര് ക്യാമറയും ശ്രീകര് പ്രസാദ് എഡിറ്റിങ്ങും നിര്വഹിച്ചു.