സിഗ്നല് തകരാര്; തിരുവനന്തപുരത്ത് ട്രെയിന് ഗതാഗതം താറുമാറായി
തിരുവനന്തപുരം: തിരുവനന്തപുരം സെന്ട്രന് റെയില്വേ സ്റ്റേഷനില് സിഗ്നല് തകരാറായതിനെ തുടര്ന്ന് തീവണ്ടികള് വൈകിയോടുന്നു. വര്ക് ഷോപ്പില് നിന്ന് എന്ജിന് സ്റ്റേഷനിലേക്ക് കൊണ്ടുവരുന്നതിനിടെ പാളത്തില് കുടുങ്ങിയാണ് സിഗ്നല് തകരാറിലാവാന് കാരണമായത്.
ശനിയാഴ്ച രാവിലെ പതിനൊന്നോടെയായിരുന്നു സിഗ്നല് സംവിധാനം തകരാറിലായത്.
സിഗ്നല് തകരാറിലായതോടെ ഇന്റര്സിറ്റി, വഞ്ചിനാട് എക്പ്രസ് തുടങ്ങി ആറ് ട്രെയിനുകളാണ് സമീപ സ്റ്റേഷനുകളില് കുടുങ്ങി കിടക്കുന്നത്. ഈ ട്രെയിനുകള് തിരുവനന്തപുരത്തേക്ക് എത്തിക്കാനുള്ള നടപടികള് റെയില്വേ ആരംഭിച്ചു.
തീവണ്ടി ഗതാഗതം പുന:സ്ഥാപിക്കാന് മാനുവല് സിഗ്നല് സംവിധാനം സ്ഥാപിക്കാന് അധികൃതര് ശ്രമം നടത്തുന്നുണ്ട്. തിരുവനന്തപുരത്തുനിന്ന് പുറപ്പെടെണ്ടിയിരുന്ന ഒരു ട്രെയിനുകള് പോലും കഴിഞ്ഞ ഒരു മണിക്കൂറിനിടെ സര്വീസ് ആരംഭിച്ചിട്ടില്ല.