ഫുള്‍ എക്‌സൈറ്റ്‌മെന്റിലെന്ന് മോഹന്‍ലാലും ആശാ ശരത്തും; ലണ്ടനില്‍ ഷൂട്ടിംഗിനിടെ കാറില്‍ പോകുന്ന വീഡിയോ പോസ്റ്റ് ചെയ്ത് മോഹന്‍ലാല്‍
20 June 2018
മോഹന്‍ലാല്‍ രഞ്ജിത് കൂട്ടുകെട്ടില്‍ ഒരുങ്ങുന്ന ചിത്രമാണ് ‘ഡ്രാമ’. ചിത്രത്തിന്റെ ഷൂട്ടിംഗ് ലണ്ടനില്‍ പുരോഗമിക്കുകയാണ്. ആശാ ശരത്താണ് ചിത്രത്തില്‍ മോഹന്‍ലാലിന്റെ നായിക. ലണ്ടനിലെ റോഡിലൂടെ ഇരുവരും കാറോടിച്ചു പോകുന്ന വീഡിയോ പുറത്തുവന്നു.
Shooting for the movie #Drama #DRAമാ #carride #london
Posted by Mohanlal on Tuesday, June 19, 2018
മോഹന്‍ലാല്‍ തന്നെയാണ് വീഡിയോ തന്റെ ഫെയ്‌സ്ബുക്ക് പേജില്‍ പോസ്റ്റ് ചെയ്തത്. ഫുള്‍ എക്‌സൈറ്റ്‌മെന്റിലാണ് തങ്ങള്‍ എന്നാണ് രണ്ടു പേരും വീഡിയോയില്‍ പറഞ്ഞത്. വര്‍ണചിത്ര ബിഗ് സ്‌ക്രീനിന്റെ ബാനറില്‍ മഹാസുബൈറാണ് ഈ ചിത്രം നിര്‍മ്മിക്കുന്നത്.
സുരേഷ് കൃഷ്ണ, മുരളി മേനോന്‍, സുബി സുരേഷ് എന്നിവരും ചിത്രത്തില്‍ വേഷമിടുന്നുണ്ട്. മറ്റ് കഥാപാത്രങ്ങള്‍ ആരൊക്കെയാകും എന്നത് സംബന്ധിച്ച വിവരങ്ങള്‍ വെളിപ്പെടുത്തിയിട്ടില്ല.
