കെവിന്‍ വധക്കേസ് പ്രതിക്ക് പോലീസ് കാവലിൽ ‘വീഡിയോ കോള്‍’..: പിടിച്ചെടുത്ത ഇന്നോവ കാർ മഴ കൊള്ളിക്കരുതെന്ന് പ്രതികൾ പൊലീസിനോട്
കടപ്പാട്:മനോരമ ഓൺലൈൻ
കോട്ടയം: കെവിന്‍ വധക്കേസ് പ്രതിക്ക് കോടതിവളപ്പില്‍ വീഡിയോ കോള്‍. ഏറ്റുമാനൂര്‍ ജൂഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി വളപ്പില്‍ പോലീസ് വാഹനത്തിലിരുന്നാണ് പ്രതിയായ ഷെഫിന്‍ വീഡിയോ കോളിലൂടെ വീട്ടുകാരുമായി സംസാരിച്ചത്.
ത്തു പ്രതികളെ കോടതിയിലെത്തിച്ച സമയത്ത് ബന്ധുവായ ഒരു സ്ത്രീ ഷെഫിനെ കാണാൻ വരികയായിരുന്നു. ഇവരുടെ ഫോണിലൂടെയാണ് വീഡിയോ കോൾ നടന്നത്.ഇവർ വീഡിയോ കോൾ ചെയ്യുന്നത് പോലീസ് കണ്ടു നിൽക്കുകയായിരുന്നു.
കെവിനെയും അനീഷിനെയും തട്ടിക്കൊണ്ടു പോകാൻ ഉപയോഗിച്ച ഇന്നോവ കാറും പൊലീസ് കോടതിയിൽ കൊണ്ടുവന്നിരുന്നു. ഇന്നോവ മഴകൊള്ളാതെ സൂക്ഷിക്കണമെന്നു പ്രതികൾ പറയുന്നതും കേൾക്കാമായിരുന്നു. ജുഡീഷ്യൽ കസ്റ്റഡിയിലുള്ള പ്രതികളെ തെളിവെടുപ്പിനു വേണ്ടി ഈ മാസം 13 വരെ പൊലീസിന് വിട്ടു നൽകിയിട്ടുണ്ട്.
അതേസമയം കെവിന്‍ കൊലക്കേസിലെ പ്രതി പോലീസ് നോക്കിനില്‍ക്കെ ബന്ധുക്കളുമായി വീഡിയോ കോളില്‍ സംസാരിച്ചത് അന്വേഷിക്കാന്‍ ഉത്തരവ്. കോട്ടയം എസ്പിയാണ് അന്വേഷണത്തിന് ഉത്തരവിട്ടിരിക്കുന്നത്. സ്പെഷല്‍ ബ്രാഞ്ചിനോട് 24 മണിക്കൂറിനകം അന്വേഷിച്ച്‌ റിപ്പോര്‍ട്ട് സമര്‍പ്പിക്കാനാണ് ആവശ്യപ്പെട്ടിരിക്കുന്നത്.
