നിലപാടില് മാറ്റമില്ല;മാണിയെ വേണ്ടെന്ന് ആവർത്തിച്ച് കാനം
2 June 2018
തിരുവനന്തപുരം: മാണിയുടെ എല്ഡിഎഫ് പ്രവേശനകാര്യത്തില് സിപിഐ നിലപാടില് മാറ്റമില്ലെന്ന് കാനം രാജേന്ദ്രന്.ഇത് സിപിഐ ആലോചിച്ച് എടുത്ത തീരുമാനമാണെന്നും ഇതിൽനിന്നു എങ്ങനെ മാറുമെന്നും അദ്ദേഹം ചോദിച്ചു. മാണിയുടെ വോട്ട് വേണ്ടെന്ന സിപിഐ നിലപാട് ശരിവെക്കുന്നതാണ് ചെങ്ങന്നൂര് ഫലമെന്നും കാനം രാജേന്ദ്രന് പറഞ്ഞു.
രണ്ട് വർഷം പൂർത്തിയാക്കിയ സർക്കാരിനു ലഭിച്ച അംഗീകാരമാണ് സജി ചെറിയാന്റെ വിജയമെന്നും കാനം കൂട്ടിച്ചേർത്തു.
തിരഞ്ഞെടുപ്പ് പ്രഖ്യാപിച്ച ദിനം തന്നെ ചെങ്ങന്നൂരിൽ ജയിക്കാൻ മാണി വേണ്ടതില്ലെന്ന കാനത്തിന്റെ പ്രതികരണത്തിനെതിരേ സിപിഎം രംഗത്ത് വന്നിരുന്നു. ഒരു പാര്ട്ടിയുടേയും വോട്ട് വേണ്ടെന്ന് ഒരു ഘടക കക്ഷി നേതാവ് പറയേണ്ടെന്ന മുന്നറിയിപ്പും കാനത്തിന് കോടിയേരി നല്കിയിരുന്നു.