നിപ്പാ വൈറസ് പടരുന്ന സാഹചര്യത്തിൽ കേരളത്തിലേക്കുള്ള യാത്രകൾ ഒഴിവാക്കണമെന്ന് ഖത്തർ
2 June 2018
ദോഹ: നിപ്പാ വൈറസ് പടരുന്ന സാഹചര്യത്തിൽ കേരളത്തിലേക്കുള്ള യാത്രകൾ ഒഴിവാക്കണമെന്ന് ഖത്തർ. ഖത്തർ ആരോഗ്യമന്ത്രാലയമാണ് മുന്നറിയിപ്പ് നൽകിയിരിക്കുന്നത്.
നിപ്പാ വൈറസ് ഖത്തറിലേക്ക് പ്രവേശിക്കാതിരിക്കാൻ ആവശ്യമായ മുൻകരുതലുകൾ സ്വീകരിച്ചിട്ടുണ്ടെന്നും അധികൃതർ അറിയിച്ചു. സ്വദേശികളും വിദേശികളും കേരളത്തിലേക്കുള്ള യാത്ര ഒഴിവാക്കണമെന്നും കേരളത്തിൽനിന്നു ഖത്തറിലേക്കുള്ള യാത്രക്കാർ ആരോഗ്യകേന്ദ്രങ്ങളിൽനിന്നും ആവശ്യമായ പരിശോധനകൾ നടത്തണമെന്നും ആരോഗ്യവകുപ്പ് അറിയിച്ചു.
കേരളത്തിൽനിന്നുള്ള പഴങ്ങൾക്കും പച്ചക്കറികൾക്കും ഖത്തർ വിലക്ക് ഏർപ്പെടുത്തിയിട്ടുണ്ട്.