മലപ്പുറത്ത് തിയറ്ററിൽ പത്തു വയസുകാരിക്കുനേരെ ലൈംഗികാതിക്രമം; ഒത്താശ ചെയ്തുകൊടുത്തത് കുട്ടിയുടെ അമ്മയെന്ന് സൂചന, പ്രതി പിടിയിൽ
മലപ്പുറം: എടപ്പാളിലെ തിയറ്ററിൽവച്ച് പത്തു വയസുകാരിയെ പീഡിപ്പിച്ച പ്രതി കസ്റ്റഡിയിൽ. പാലക്കാട് തൃത്താല സ്വദേശിയാണ് പിടിയിലായതെന്നാണ് സൂചന. ഏപ്രിൽ 18നാണ് ഇയാൾ പെണ്കുട്ടിയെ ലൈംഗികമായി പീഡിപ്പിച്ചത്. സംഭവത്തിൽ ചങ്ങരംകുളം പോലീസാണ് കേസെടുത്തത്.
തിയറ്ററിൽ ഇയാൾക്കൊപ്പം മറ്റൊരു സ്ത്രീകൂടി ഉണ്ടായിരുന്നു. ഈ സ്ത്രീ പെണ്കുട്ടിയുടെ അമ്മയാണെന്നാണ് സൂചന. പെണ്കുട്ടിയെ ഇയാൾ പീഡിപ്പിക്കുന്നത് ഒപ്പമുള്ള സ്ത്രീയ്ക്ക് മനസിലായിട്ടുണ്ടെന്ന് ദൃശ്യങ്ങളിൽ നിന്നു വ്യക്തമാണ്.
ഏപ്രിൽ 26ന് പോലീസിൽ പരാതി നൽകിയെങ്കിലും കേസെടുത്തില്ലെന്നും ആരോപണം ഉയർന്നിരുന്നു. ആഡംബര കാറിലാണ് പ്രതി തിയറ്ററിൽ എത്തിയത്. തിയറ്റർ അധികൃതർ ഈ ദൃശ്യം ചൈൽഡ് ലൈനിന്റെ ശ്രദ്ധയിൽപ്പെടുത്തിയിരുന്നു.