ഡൽഹി വിമാനത്താവളത്തിൽ ലക്ഷങ്ങളുടെ ആപ്പിൾ ഐഫോണ് വേട്ട !
ന്യൂഡൽഹി: ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ നികുതി വെട്ടിച്ച് കടത്താൻ ശ്രമിച്ച 100 ആപ്പിൾ ഐഫോണുകൾ കസ്റ്റംസ് അധികൃതർ പിടികൂടി. പിടിച്ചെടുത്ത ആപ്പിൾ ഐഫോണ് എക്സ് ഫോണുകൾക്ക് വിപണിയിൽ 85 ലക്ഷം രൂപ വിലമതിക്കും.
രഹസ്യവിവരത്തിന്റെ അടിസ്ഥാനത്തിൽ ദുബായിയിൽ നിന്നെത്തിയ ആളിൽ നിന്നാണ് ഫോണുകൾ കണ്ടെടുത്തത്. ദുബായിയിൽ ഐഫോണ് എക്സിന് ഇന്ത്യയിലേക്കാൾ വിലക്കുറവിൽ ലഭിക്കും.
95,390 രൂപയാണ് 64 ജിബി ഐഫോണ് എക്സിന് ഇന്ത്യയിലെ വില. ഈ ഫോണ് വാങ്ങാൻ ദുബായിയിൽ 78,294 രൂപ നൽകിയാൽ മതി. 256 ജിബി മെമ്മറിയുള്ള ഐഫോണിന് 1.08 ലക്ഷം രൂപ ഇന്ത്യയിൽ വില മതിക്കും. ഈ ഫോണിന് 90,318 ഇന്ത്യൻ രൂപയാണ് ദുബായിയിൽ ചെലവുവരിക.