സൗദിയില്‍ വീണ്ടും ബാലിസ്റ്റിക് മിസൈല്‍ ആക്രമണം
28 April 2018
സൗദിയിലെ നജ്‌റാനിലേക്ക് വീണ്ടും ഹൂതികളുടെ ബാലിസ്റ്റിക് മിസൈല്‍ ആക്രമണം. പ്രതിരോധ സംവിധാനം ഉപയോഗിച്ച് മിസൈല്‍ സഖ്യസേന തകര്‍ത്തു. യമനിലെ ഹൂതി നേതാവും സുപ്രിം പൊളിറ്റിക്കല്‍ കൗണ്‍സില്‍ നേതാവുമായിരുന്ന സാലിഹ് അല്‍ സമദ് കഴിഞ്ഞ ദിവസം സഖ്യസേനയുടെ വ്യോമാക്രമണത്തില്‍ കൊല്ലപ്പെട്ടിരുന്നു.
ഇതിന് പിന്നാലെയാണ് സൗദിയിലെ അതിര്‍ത്തി മേഖലയായ നജ്‌റാനിലേക്ക് ഹൂതികള്‍ മിസൈലയച്ചത്. ഈ മാസം തുടക്കത്തില്‍ സഖ്യസേനയുടെ ആക്രമണത്തില്‍ കനത്ത ആള്‍ നാശമാണ് ഹൂതികള്‍ക്കുണ്ടായത്. ഇതിന് പിന്നാലെ അബഹ വിമാനത്താവളത്തിലേക്ക് ഡ്രോണ്‍ ആക്രമണം നടന്നു.
റിയാദിലേക്ക് മിസൈലുമയച്ചു. ഇവയെല്ലാം സൗദി സൈന്യം തകര്‍ത്തിരുന്നു. ഹൂതികള്‍ക്ക് തിരിച്ചടിയുണ്ടാകുമെന്ന മുന്നറിയിപ്പും നല്‍കി. ഇതിന് പിന്നാലെയാണ് വീണ്ടും ആക്രമണം നടന്നത്.
