ഇന്നും കൂറ്റന് തിരമാലകള്ക്ക് സാധ്യത: ജാഗ്രത പാലിക്കണമെന്ന് മുന്നറിയിപ്പ്
23 April 2018
തിരുവനന്തപുരം: കേരളത്തിന്റെയും ലക്ഷദ്വീപിന്റെയും തീരപ്രദേശങ്ങളില് തിരമാലകള് രണ്ടരമുതല് മൂന്നുമീറ്റര് വരെ ഉയരാമെന്ന് മുന്നറിയിപ്പ്. മത്സ്യത്തൊഴിലാളികള് ജാഗ്രത പാലിക്കണം. ഇന്ന് രാത്രി 11.30 വരെ വലിയ തിരമാലകള്ക്ക് സാധ്യതയുണ്ട്.
വേലിയേറ്റ സമയത്ത് കരയിലേക്ക് തിരമാലകള് ശക്തിയായി അടിച്ചു കയറാനിടയുള്ളതായും ഇന്ത്യന് നാഷണല് സെന്റര് ഫോര് ഓഷ്യന് ഇന്ഫര്മേഷന് സര്വീസസിന്റെ (ഇന്കോയിസ്) മുന്നറിയിപ്പില് പറയുന്നു. തീരത്ത് 35 മുതല് 45 കിലോമീറ്റര്വരെ വേഗത്തില് കാറ്റുവീശാമെന്ന് കാലാവസ്ഥാ നിരീക്ഷണകേന്ദ്രവും മുന്നറിയിപ്പ് നല്കിയിട്ടുണ്ട്. കഴിഞ്ഞ ദിവസങ്ങളില് സംസ്ഥാനത്ത് പലയിടത്തും രൂക്ഷമായ കടല്ക്ഷോഭം അനുഭവപ്പെട്ടിരുന്നു.