മുംബൈയിൽ ശിവസേന നേതാവ് വെടിയേറ്റു മരിച്ചു
23 April 2018
മുംബൈ: മലാഡിൽ ശിവസേന ഡെപ്യൂട്ടി ശാഖാ പ്രമുഖ് വെടിയേറ്റു മരിച്ചു. സാവന്ത് (46) എന്നയാളാണ് കൊല്ലപ്പെട്ടത്. കാറിൽ യാത്ര ചെയ്യുകയായിരുന്ന സാവന്തിനെ കന്ദീവലിയിൽവച്ച് ബൈക്കിലെത്തിയ രണ്ടുപേർ തടഞ്ഞുനിർത്തി വെടിയുതിർക്കുകയായിരുന്നു.
ഞായറാഴ്ച രാത്രിയിലാണ് സംഭവമുണ്ടായത്. സാവന്തിനുനേരെ അക്രമികൾ നാലു തവണ നിറയൊഴിച്ചു. രണ്ടു പതിറ്റാണ്ടായി ശിവസേനയുടെ വിവിധ ചുമതലകൾ വഹിച്ചുവരികയായിരുന്നു സാവന്ത്. സംഭവത്തെക്കുറിച്ച് പോലീസ് കേസെടുത്ത് അന്വേഷണം ആരംഭിച്ചു.