കോമണ്വെല്ത്ത് ഗെയിംസില് ചരിത്രമെഴുതി ഇന്ത്യ; ടേബിള് ടെന്നീസില് മണിക ബത്രയ്ക്ക് സ്വര്ണം
Unbelievable!! Manika Batra is the @GC2018 women’s singles champion!!! pic.twitter.com/QSWryixiSe
— ITTF World (@ittfworld) April 14, 2018
ഗോള്ഡ് കോസ്റ്റ്: കോമണ്വെല്ത്ത് ഗെയിംസില് ചരിത്രമെഴുതി ഇന്ത്യന് ടേബിള് ടെന്നീസ് താരം മണിക ബത്ര. കോമണ്വെല്ത്ത് ഗെയിംസ് ടേബിള് ടെന്നീസ് സിംഗിള്സില് സ്വര്ണ മെഡല് നേടി ആ നേട്ടം കൈവരിക്കുന്ന ആദ്യ ഇന്ത്യന് വനിതാ താരമെന്ന റെക്കോഡാണ് മണിക ബത്ര സ്വന്തം പേരില് കുറിച്ചത്.
സിംഗപ്പൂരിന്റെ മെയ്ന്ഗ്യു യുവിനെ ആധികാരികമായി പരാജയപ്പെടുത്തിയാണ് മണികയുടെ സ്വര്ണനേട്ടം. സ്കോര്: 117, 116, 112. 117. നേരത്തെ വനിതകളുടെ ടീമിനത്തില് സ്വര്ണവും വനിതാ ഡബിള്സില് വെള്ളിയും മണിക നേടിയിരുന്നു. കോമണ്വെല്ത്ത് ഗെയിംസില് ഇന്ത്യയുടെ 24ാം സ്വര്ണമാണിത്.
ലോക നാലാം റാങ്കുകാരി സിംഗപ്പൂരിന്റെ ടിയാന്വെയ് ഫെങ്ങിനെ അട്ടിമറിച്ചാണ് ഇന്ത്യന്താരം ഫൈനലിലെത്തിയത്. ടീമിനത്തിലും ടായിന്വെയിനെ മണിക ബത്ര തോല്പ്പിച്ചിരുന്നു.