റാങ്കിംഗിലെ ഒന്നാം സ്ഥാനം വിട്ടുനൽകാതെ ഓസീസ് മുൻ നായകൻ സ്റ്റീവ് സ്മിത്ത്: കോഹ്ലി രണ്ടാമൻ
5 April 2018
പന്ത് ചുരണ്ടൽ വിവാദത്തിൽ ഒരു വർഷത്തെ വിലക്കു നേരിട്ടെങ്കിലും റാങ്കിംഗിലെ ഒന്നാം സ്ഥാനം വിട്ടുനൽകാതെ ഓസീസ് മുൻ നായകൻ സ്റ്റീവ് സ്മിത്ത്. ഐസിസിയുടെ പുതിയ ടെസ്റ്റ് റാങ്കിംഗിലാണ് സ്മിത്ത് തന്റെ ഒന്നാം സ്ഥാനം നിലനിർത്തിയത്. ഇന്ത്യൻ നായകൻ വിരാട്കോഹ്ലി രണ്ടാം സ്ഥാനം നിലനിർത്തിയപ്പോൾ ചേതേശ്വർ പുജാര തന്റെ ഏഴാം സ്ഥാനവും നഷ്ടപ്പെടുത്തിയില്ല.
എന്നാൽ ബൗളർമാരുടെ പട്ടികയിൽ ആർ. അശ്വിന് ഒരു സ്ഥാനം പിന്നോട്ടിറങ്ങേണ്ടിവന്നു. അഞ്ചാം സ്ഥാനത്താണ് അശ്വിൻ ഇപ്പോൾ. ഓൾറൗണ്ടർ പട്ടികയിൽ രവീന്ദ്ര ജഡേജയാണ് രണ്ടാം സ്ഥാനത്ത്. കഴിഞ്ഞ റാങ്കിംഗിലും ജഡേജ രണ്ടാമതായിരുന്നു.