മലപ്പുറത്ത് വാഹനാപകടം; രണ്ട് പേര് മരിച്ചു
13 March 2018
മലപ്പുറം: മലപ്പുറത്ത് ദേശീയപാതയില് വാഹനാപകടത്തില് രണ്ട് പേര് മരിച്ചു. കണ്ണൂര് സ്വദേശി ഡൊമിനിക് ജോസഫ്, മകളുടെ മകന് മൂന്നുവയസ്സുകാരന് ഡാന് ജോര്ജ് എന്നിവരാണ് അപകടത്തില് മരിച്ചത്. മലപ്പുറം രണ്ടത്താണി ദേശീയപാതയില് കാറും ടൂറിസ്റ്റ് ബസ്സും കൂട്ടിയിടിച്ചാണ് അപകടമുണ്ടായത്.
ഇന്ന് പുലര്ച്ചെ ഒരു മണിയോടെയായിരുന്നു അപകടം. ഡൊമിനികിന്റെ ഭാര്യ മേഴ്സി, മകളുടെ ഭര്ത്താവ് ജോര്ജ് എന്നിവരെ ഗുരുതര പരിക്കുകളോടെ കോട്ടക്കല് സ്വകാര്യ ആശുപത്രിയില് പ്രവേശിപ്പിച്ചു.