കെ.എസ്.ആര്‍.ടി.സി പെന്‍ഷന്‍ 20 മുതല്‍ വിതരണം ചെയ്യും: പെന്‍ഷന്‍കാര്‍ സഹകരണ സംഘങ്ങളില്‍ അക്കൗണ്ട് എടുക്കണം
14 February 2018
തിരുവനന്തപുരം: കെഎസ്ആര്‍ടിസി പെന്‍ഷന്‍ ഫെബ്രുവരി 20 മുതല്‍ വിതരണം ചെയ്യാന്‍ ആലോചിക്കുന്നതായി മന്ത്രി കടകംപള്ളി സുരേന്ദ്രന്‍. 39,045 പെന്‍ഷന്‍കാര്‍ക്ക് 701 സഹകരണ സംഘങ്ങള്‍ വഴിയാകും പെന്‍ഷന്‍ വിതരണം ചെയ്യുക.
പെന്‍ഷന്‍കാര്‍ ഈ സഹകരണ സംഘങ്ങളില്‍ അക്കൗണ്ട് എടുക്കണമെന്നും അദ്ദേഹം പറഞ്ഞു. കുടിശിക തീര്‍ത്ത് കൊടുക്കാന്‍ 219 കോടി രൂപ വേണമെന്നും 223 സംഘങ്ങള്‍ കണ്‍സോര്‍ഷ്യത്തില്‍ ചേരാന്‍ സന്നദ്ധരായിട്ടുണ്ടെന്നും മന്ത്രി കൂട്ടിച്ചേര്‍ത്തു
