നിർണായക പോരാട്ടത്തിൽ ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിങ്ങിനയച്ചു
പോർട്ട് എലിസബത്ത്: ചരിത്രത്തിലാദ്യമായി ദക്ഷിണാഫ്രിക്കയിൽ പരമ്പര സ്വന്തമാക്കാനിറങ്ങുന്ന ഇന്ത്യൻ ടീമിന് ടോസ് നഷ്ടമായി. ഐഡൻ മാർക്രത്തിന്റെ നേതൃത്വത്തിലിറങ്ങുന്ന ദക്ഷിണാഫ്രിക്ക ആദ്യം ബൗളിങ് തിരഞ്ഞെടുത്തു.
ആദ്യ രണ്ട് ഏകദിനങ്ങളിലും ജോഹന്നാസ് ബർഗിലെ നാലാം ഏകദിനത്തിലും രണ്ടാമത് ബാറ്റേന്തിയ ടീം വിജയം കണ്ടിരുന്നു. നിലവിൽ പരമ്പരയിൽ 3-1 ന് ഇന്ത്യ മുന്നിട്ട് നിൽകുേമ്പാൾ, അവശേഷിക്കുന്ന രണ്ട് മത്സരങ്ങൾ വിജയിച്ച് പരമ്പര സമനിലയിലാക്കൽ ആവും ആതിഥേയരുടെ ലക്ഷ്യം.
ഇന്ത്യൻ ടീം മാറ്റമില്ലാതെയാണ് പോർട്ട് എലിസബത്തിൽ ഇറങ്ങുന്നത്. നാലാം ഏകദിനത്തിലെ ടീം തന്നെയായിരിക്കും ഇന്ന് കളിക്കാനിറങ്ങുക. എന്നാൽ ദക്ഷിണാഫ്രിക്കൻ നിരയിലേക്ക് ക്രിസ് മോറിസിന് പകരമായി തബ്രേസ് ഷംസിയെത്തും.
16ന് സെഞ്ചൂറിയനിലാണ് പരമ്പരയിലെ അവസാന ഏകദിനം നടക്കുക. മൂന്നു ട്വൻറി ട്വൻറി മത്സരങ്ങളും ഇന്ത്യ ദക്ഷിണാഫ്രിക്കയിൽ കളിക്കുന്നുണ്ട്.