സി.പി.ഐ-സി.പി.എം പോര് രൂക്ഷം; സി. ദിവാകരനെ തോൽപിക്കാൻ സി.പി.ഐ ശ്രമിച്ചെന്ന് സി.പി.എം
4 February 2018
തിരുവനന്തപുരം: സി.പി.എമ്മിന്റെ തിരുവനന്തപുരം ജില്ലാ സമ്മേളനത്തിൽ സി.പി.ഐക്കെതിരെ കടുത്ത വിമർശനവുമായി സി.പി.എം രംഗത്ത്. കഴിഞ്ഞ നിയമസഭാ തെരഞ്ഞെടുപ്പിൽ സി ദിവാകരനെ തോൽപിക്കാൻ സി.പി.ഐ ശ്രമിച്ചെന്നാണ് വിമർശനം.
നെടുമങ്ങാട് മണ്ഡലത്തിൽ നിന്നും വിജയിച്ച മുതിർന്ന നേതാവായ ദിവാകരനെതിരെ സി.പി.ഐ ജില്ലാ നേതാക്കൾ യോഗം ചേർന്നതായും സി.പി.ഐ ജില്ലാ സെക്രട്ടറി ജെ.ആർ അനിൽ അടക്കം പ്രശ്നത്തിൽ നേരിട്ട് ഇടപെട്ടെന്നുമാണ് സി.പി.എമ്മിന്റെ നെടുമങ്ങാട് ഏരിയ കമ്മിറ്റിയിലെ അംഗങ്ങൾ സി.പി.ഐക്കെതിരെ വിമർശനമുന്നയിച്ചത്.
നീക്കമറിഞ്ഞ ദിവാകരൻ സി.പി.എമ്മിന്റെ സഹായം തേടിയിരുന്നുവെന്നും അംഗങ്ങൾ കൂട്ടിച്ചേർത്തു.