വീടിന്റെ ടെറസില് നിന്ന് പിഞ്ചുകുഞ്ഞിന്റെ ശിരസ് കണ്ടെത്തി; കൊലപാതകം ചന്ദ്രഗ്രഹണവുമായി ബന്ധപ്പെട്ടെന്ന് സൂചന
ഹൈദരാബാദില് മൂന്ന് മാസം പ്രായമായ കുഞ്ഞിനെ ശിരസ് അറുത്ത നിലയില് കണ്ടെത്തി. ചില്ക്കാനഗറിലുള്ള ഒരു വീടിന്റെ ടെറസില് നിന്നാണ് കുഞ്ഞിന്റെ ശിരസ് കണ്ടെത്തിയത്. കഴിഞ്ഞ ദിവസം ചന്ദ്രഗ്രഹണവുമായി ബന്ധപ്പെട്ടാണ് കൊലപാതകം നടന്നതെന്ന് സംശയിക്കുന്നതായി പൊലീസ് പറഞ്ഞു.
ബുധനാഴ്ച രാത്രിയാണ് സംഭവം നടന്നത്. യൂബര് ഡ്രൈവറായ രാജശേഖര് ഗൗഡിന്റെ വീടിന്റെ ടെറസില് നിന്നാണ് തല കണ്ടെടുത്തത്. കുട്ടിയുടെ കഴുത്തറുത്തതിന് ശേഷം ശിരസ് ടെറസിന് മുകളിലേക്ക് എറിയുകയായിരുന്നു. വ്യാഴാഴ്ച രാവിലെ ടെറസിന്റെ മുകളിലെത്തിയ ഗൗഡിന്റെ ഭാര്യാമാതാവാണ് കുഞ്ഞിന്റെ ശിരസ് കണ്ടെത്തിയത്.
സംഭവം നടന്നത് ബുധനാഴ്ച പുലര്ച്ചെ 2 മണിക്കായിരിക്കാമെന്ന് പൊലീസ് പറഞ്ഞു. എന്നാല് 12.30 ഓടെ തങ്ങള് വാതിലടച്ചു കിടന്നതായി രാജശേഖര് പൊലീസിനോട് പറഞ്ഞു. മുന്പ് ചന്ദ്രഗ്രഹണ സമയത്ത് തങ്ങളുടെ മുറ്റത്തേക്ക് ചിലര് നാരങ്ങകളും മഞ്ഞള്പ്പൊടിയും എറിഞ്ഞിരുന്നതായി രാജശേഖര് കൂട്ടിച്ചേര്ത്തു.