ഐഫോണ് ബാറ്ററി ഒറിജിനലാണോ എന്നറിയാന് കടിച്ചു നോക്കി: യുവാവിന്റെ വായിലിരുന്ന് ബാറ്ററി പൊട്ടിത്തെറിച്ചു
26 January 2018
തായ്വാനിലെ തായ്പേയിലാണ് സംഭവം. കയ്യിലുള്ള ഐഫോണിന്റെ ബാറ്ററി മാറ്റാന് കടയിലെത്തിയതായിരുന്നു യുവാവ്. വാങ്ങിയ മൊബൈല് ബാറ്ററി ഒറിജിനലാണോ എന്നറിയാന് ബാറ്ററി കടയില് വച്ച് തന്നെ കടിച്ചു നോക്കിയ യുവാവിന്റെ വായിലിരുന്നാണ് ബാറ്ററി പൊട്ടിത്തെറിച്ചത്.
ബാറ്ററിയ്ക്ക് തീ പിടിച്ചതോടെ ഇയാള് ഇതെടുത്ത് പുറത്തേക്കെറിഞ്ഞു. കടയിലെ ആര്ക്കും പരിക്ക് പറ്റിയിട്ടില്ലെന്നാണ് റിപ്പോര്ട്ട്. വലിയ തിരക്കുള്ള കടയായിരുന്നു അത്. കടയിലെ സിസിടിവി ദൃശ്യങ്ങളില് ബാറ്ററി പൊട്ടിത്തെറിയ്ക്കുന്നത് വ്യക്തമാണ്.