രാജസ്ഥാനിൽ ബസ് നദിയിലേക്ക് മറിഞ്ഞ് 33 പേർ മരിച്ചു
23 December 2017
രാജസ്ഥാനിലെ സവായ് മധോപുരിൽ ബസ് നദിയിലേക്ക് മറിഞ്ഞ് 33പേർ മരിച്ചു. 24 പേർക്കു പരുക്കേറ്റു. പരുക്കേറ്റവരെ സമീപത്തെ ആശുപത്രിയിലേക്ക് മാറ്റി.
സവായ് മധേപൂരിൽ നിന്ന് ലാൽകോട്ടിലേക്ക് പോവുകയായിരുന്ന ബസ് പാലത്തിന്റെ കൈവരി തകർത്ത് നദിയിലേക്ക് വീഴുകയായിരുന്നു. എന്നാൽ, ഡ്രൈവർക്ക് ബസിന്റെ നിയന്ത്രണം നഷ്ടമായതെങ്ങനെ എന്നതിനെക്കുറിച്ച് വ്യക്തതയില്ല.
കാണാതായവർക്കുവേണ്ടി രക്ഷാപ്രവർത്തനം പുരോഗമിക്കുകയാണ്. അപകടത്തിന്റെ കൂടുതൽ വിശദാംശങ്ങൾ ലഭ്യമായിട്ടില്ല.
