നെൽവയൽ നികത്തൽ ജാമ്യമില്ലാ കുറ്റം;നിയമ ഭേദഗതിക്കൊരുങ്ങി സംസ്ഥാന സര്ക്കാര്
22 December 2017
തിരുവനന്തപുരം: നെൽവയൽ നികത്തുന്നത് ജാമ്യമില്ലാ കുറ്റമാകുന്നു. ഇതിനായി നെൽവയൽ നീർത്തട സംരക്ഷണ നിയമം ഭേദഗതി ചെയ്യാൻ സർക്കാർ ഒരുങ്ങുന്നു. അടുത്ത മന്ത്രിസഭ യോഗത്തിൽ ഇതുസംബന്ധിച്ച തീരുമാനം ഉണ്ടാകുമെന്നാണ് സൂചന.
നിലവില് നെല്വയല് നികത്തുന്നത് ശ്രദ്ധയില് പെട്ടാല് ഒന്നുകില് കൃഷി ഓഫീസറോ വില്ലേജ് ഓഫീസറോ കോടതിയില് റിപ്പോര്ട്ട് ചെയ്യണം. ക്രിമിനല് കുറ്റമാണെങ്കിലും പിഴയടച്ച് രക്ഷപ്പെടാം. പുതിയ ഭേദഗതിയില് ഇതാകെ മാറുകയാണ്. ജാമ്യമില്ലാ വകുപ്പ് പ്രകാരം പൊലീസിന് നേരിട്ട് കേസെടുക്കാം.2008ന് മുൻപ് നികത്തിയ ഭൂമി ക്രമപ്പെടുത്തൽ വ്യവസ്ഥകളിലും മാറ്റം വരുത്തുമെന്നാണ് റിപ്പോർട്ട്.
തരിശ് നിലം ഏറ്റെടുക്കാന് ഉടമയുടെ സമ്മതവും വേണ്ട. തരിശ് നിലം ഏറ്റെടുത്ത് കൃഷിയിറക്കാന് പഞ്ചായത്തുകള്ക്ക് അധികാരം നല്കും. നിശ്ചിത തുക പാട്ടമായി ഉടമസ്ഥന് കൊടുത്താല് മതി.