പാകിസ്താനിൽ പള്ളിയിൽ സ്ഫോടനം; അഞ്ച് മരണം
17 December 2017
ഇസ്ലാമാബാദ്: പാകിസ്താനിലെ ക്വട്ടയിൽ ബോംബാക്രമണത്തിലും വെടിവെപ്പിലും അഞ്ചുപേർ കൊല്ലപ്പെട്ടു. രണ്ടു പേർക്ക് ഗുരുതര പരിക്ക്. ക്വട്ട സർഗൂൺ റോഡിലെ ബേതൽ മെമ്മോറിയൽ ചർച്ചിലാണ് സംഭവം.
അപകടത്തിൽ പരിക്കേറ്റവരെയും മരിച്ചവരെയും ആശുപത്രിയിലേക്ക് മാറ്റി.
നാല് മൃതദേഹങ്ങളും പരിക്കേറ്റ 20 ഒാളം പേരും ആശുപത്രിയിൽ ഉണ്ടെന്ന് അധികൃതർ സ്ഥീരീകരിച്ചു. നഗരത്തിലെ ഏറ്റവും സുരക്ഷയുള്ള പ്രദേശത്തെ ചർച്ചിലാണ് ആക്രമണം നടന്നത്.
പൊലീസും സുരക്ഷാ ഉദ്യോഗസ്ഥരും പ്രദേശം വളഞ്ഞിരിക്കുകയാണ്.
ചർച്ചിൽ പ്രാർഥന നടക്കുന്ന സമയത്ത് രണ്ട് ചാവേറുകൾ ആക്രമിച്ചുവെന്നാണ് കരുതുന്നത്. അക്രമ സമയത്ത് 400ഒാളം വിശ്വാസികൾ ചർച്ചിലുണ്ടായിരുന്നു. സ്ഫോടനത്തിനു ശേഷം വെടിവെപ്പുമുണ്ടയെന്നാണ് പ്രാഥമിക നിഗമനം.
ഇത് മെച്ചപ്പെടുത്താൻ സഹായിക്കുക!