തിരുപ്പതിയിലേക്ക് പോയ സംഘം വാഹനാപകടത്തില്പെട്ടു; കുട്ടികളടക്കം 10 മരണം
7 December 2017
തമിഴ്നാട്ടിലെ തിരുച്ചിറപ്പള്ളിയിൽ വാഹനാപകടത്തിൽ 10 പേർ മരിച്ചു. മരിച്ചവരിൽ മൂന്നു സ്ത്രീകളും രണ്ടു കുട്ടികളും ഉൾപ്പെടും. മധുര-തിരുച്ചിറപ്പള്ളി ദേശീയ പാതയിൽ തുവരൻകുറിച്ചിയിലാണ് അപകടം.
നാഗർകോവിലിൽ നിന്ന് തിരുപ്പതിയിലേക്ക് പോയവരാണ് അപകടത്തിൽപ്പെട്ടത്. ഇവർ സഞ്ചരിച്ച ട്രാവലർ വഴിയരുകിൽ നിർത്തിയിട്ടിരുന്ന ലോറിക്ക് പിന്നിൽ ഇടിക്കുകയായിരുന്നു. അപകടത്തിൽ പരിക്കേറ്റവരെ ആശുപത്രിയിൽ പ്രവേശിപ്പിച്ചു.