ഡല്‍ഹിയില്‍ നിന്നുള്ള പുതിയ വിവാഹാഭ്യര്‍ഥനയോടുള്ള ശശി തരൂരിന്റെ മറുപടി വൈറലാകുന്നു
ന്യൂഡല്‍ഹി: തിരുവനന്തപുരം എംപി ശശി തരൂരിന് ന്യൂഡല്‍ഹിയില്‍നിന്ന് പുതിയൊരു വിവാഹാഭ്യര്‍ഥന. ദില്ലി സ്വഭിമാന റാലിയുടെ പത്താം പതിപ്പിലാണു സ്വവര്‍ഗാനുരാഗിയായ ഒരു യുവാവു ‘ശശി തരൂര്‍ മാരി മീ’ എന്ന ചോദ്യം ഒരു വെളുത്ത ചാര്‍ട്ടില്‍ എഴുതിയെത്തിയത്.
ഈ യുവാവിന്റെ ഫോട്ടോ സാമൂഹികമാധ്യമങ്ങളില്‍ വൈറലായതോടെ സംഭവം ശശി തരൂരിന്റെ ശ്രദ്ധയില്‍പ്പെട്ടു. ഉടന്‍തന്നെ തരൂരിന്റെ മറുപടിയും എത്തി.
Haha! Now if they were only registered to vote in Thiruvananthapuram, it would be even better! https://t.co/kGzj3T1mf9
— Shashi Tharoor (@ShashiTharoor) November 13, 2017
തിരുവനന്തപുരത്ത് വോട്ടറായി രജിസ്റ്റര്‍ ചെയ്തിട്ടുള്ളവരാണെങ്കില്‍ കൂടുതല്‍ നന്നായേനെ എന്ന് അര്‍ഥത്തില്‍ തമാശരൂപേണയായിരുന്നു തരൂരിന്റെ മറുപടി. എന്തായാലും വിവാഹാഭ്യര്‍ഥനയും അതിനോടുള്ള തരൂരിന്റെ മറുപടിയും വൈറലാവുകയാണ്. തരൂരിന്റെ മറുപടിക്കു നിരവധി പ്രതികരണങ്ങളാണു വന്നുകൊണ്ടിരിക്കുന്നത്.
