ടെലിവിഷന് ഷോയുമായി മുഖ്യമന്ത്രി എത്തുന്നു; അവതാരക വീണാ ജോര്ജ് എംഎല്എ
മുഖ്യമന്ത്രി പിണറായി വിജയന് പങ്കെടുക്കുന്ന ‘നാം മുന്നോട്ട്’ എന്ന ടെലിവിഷന് ഷോ ഉടന് ആരംഭിക്കും. ആറന്മുള എംഎല്എ വീണാ ജോര്ജാണ് പരിപാടിയുടെ അവതാരക. ദൂരദര്ശന് ഉള്പ്പെടെ ഒന്നിലേറെ ചാനലുകളില് ഒരേ സമയത്തായിരിക്കും ഈ 22 മിനിട്ട് പരിപാടി സംപ്രേഷണം ചെയ്യുക.
തിരുവല്ലം ചിത്രാജ്ഞലി സ്റ്റുഡിയോയില് ഒരുക്കിയ പ്രത്യേക സെറ്റില് ഏതാനും ഭാഗങ്ങള് കഴിഞ്ഞ ദിവസം ചിത്രീകരിച്ചു. വൈകാതെ പരിപാടി സംപ്രേഷണം ആരംഭിക്കും. സര്ക്കാര് സ്ഥാപനമായ സെന്റര് ഫോര് ഡെവലപ്പ്മെന്റ് ഓഫ് ഇമേജിങ് ടെക്കനോളജി (സിഡിറ്റ് ) ആണ് നിര്മ്മാണം.
ഓരോ ഭാഗവും ഓരോ വിഷയത്തെ കേന്ദ്രീകരിച്ചാകും. വിഷയവുമായി ബന്ധപ്പെട്ട നാലംഗ വിദഗ്ധ ടീം പാനലായി പ്രവര്ത്തിക്കും. ഇവര്ക്ക് പുറമെ ചര്ച്ച ചെയ്യുന്ന വികസന വിഷയവുമായി ബന്ധപ്പെട്ട പ്രേക്ഷകരും പരിപാടിയുടെ ഭാഗമായിരിക്കും.
പലപ്പോളായി മുഖ്യമന്ത്രിക്ക് കത്തെഴുതിയ കുട്ടികളെ ഉള്പ്പെടുത്തി ഒരു ഭാഗവും പരിപാടിയില് ഉണ്ടാകും. പാനലില് ഉള്ള വിദഗ്ധരും പ്രേക്ഷകരും ഉന്നയിക്കുന്ന ചോദ്യങ്ങള്ക്ക് മുഖ്യമന്ത്രി മറുപടി നല്കുന്ന വിധത്തിലാണ് പരിപാടി പുരോഗമിക്കുക.