അപൂർവ്വ നേട്ടം കൈവരിച്ചു ഇന്ത്യൻ നായകൻ വിരാട് കോഹ്ലി; വെറും 194 ഇന്നിംഗ്സുകളിൽ നിന്ന് അതിവേഗം 9000 റൺസ് ക്ലബ്ബിൽ പ്രവേശിച്ചു
കാണ്പുർ: ഇന്ത്യൻ നായകൻ വിരാട് കോഹ്ലി 9000 ക്ലബ്ബിൽ. ന്യൂസിലൻഡിനെതിരായ മൂന്നാം ഏകദിനത്തിലാണ് കോഹ്ലി 9000 റണ്സ് പൂർത്തിയാക്കിയത്.
194 ഇന്നിംഗ്സുകളിൽ നിന്നാണ് കോഹ്ലിയുടെ റണ്വേട്ട. ഇത് റിക്കാർഡാണ്. 205 ഇന്നിംഗ്സുകളിൽ നിന്നു 9000 പൂർത്തിയാക്കിയ ദക്ഷിണാഫ്രിക്കൻ താരം എ.ബി.ഡിവില്ല്യേഴ്സാണു കോഹ്ലിക്കു പിന്നിൽ നിൽക്കുന്നത്. 202മത് ഏകദിനത്തിലാണ് കോഹ്ലി കിവീസിനെതിരേ പാഡണിയുന്നത്.
കൂടാതെ, ഇന്ത്യൻ നായകനെന്ന നിലയിൽ 5000 റണ്സും കോഹ്ലി പൂർത്തിയാക്കി. 93 ഇന്നിംഗ്സുകളിലാണ് നായകനെന്ന നിലയിൽ കോഹ്ലി ഇന്ത്യയെ നയിച്ചത്.
രോഹിത് ശർമയ്ക്കൊപ്പം നാലാമത് ഇരട്ടസെഞ്ചുറി കൂട്ടുകെട്ട് പടുത്തുയർത്താനും കോഹ്ലിക്കു കഴിഞ്ഞു. ഗൗതം ഗംഭീറിനൊപ്പം മൂന്ന് ഇരട്ടസെഞ്ചുറി കൂട്ടുകെട്ട് നിർമിച്ച കോഹ്ലി തന്നെയാണ് ഈ പട്ടികയിലും പിന്നിൽനിൽക്കുന്നത്.