യുവാവിനെ തീവച്ചുകൊന്ന കേസിലെ പ്രതികൾ അറസ്റ്റിൽ
18 October 2017
കോയമ്പത്തൂർ: യുവാവിനെ കത്തിച്ചുകൊന്ന കേസിൽ രണ്ടുപേരെ പോലീസ് അറസ്റ്റുചെയ്തു. കൊല്ലപ്പെട്ട യുവാവിനൊപ്പം ജോലി ചെയ്തിരുന്ന പാണ്ഡ്യൻ, മുത്തുപാണ്ടി എന്നിവരാണ് പിടിയിലായത്.
കഴിഞ്ഞ 11-നാണ് കാങ്കയംപാളയത്ത് ആടുമേയ്ക്കുന്ന തൊഴിലാളിയായ അരുൾരാജിന്റെ (18) മൃതദേഹം കത്തിക്കരിഞ്ഞ നിലയിൽ കണ്ടെത്തിയത്. മദ്യപിച്ചുകൊണ്ടിരിക്കെ വാക്കേറ്റത്തെ തുടർന്ന് പ്രതികൾ യുവാവിനെ കൊലപ്പെടുത്തി മൃതദേഹം കത്തിച്ചശേഷം ഒളിവിൽ പോകുകയായിരുന്നു. തുടർന്ന് സുലൂർ പോലീസ് നടത്തിയ അന്വേഷണത്തിലാണ് പ്രതികൾ കുടുങ്ങിയത്.