വേങ്ങരയിൽ യു ഡി എഫ് സ്ഥാനാർത്ഥി കെ എൻ എ ഖാദർ ലീഡ് ചെയ്യുന്നു
15 October 2017
വേങ്ങര നിയമസഭാ ഉപതെരഞ്ഞെടുപ്പിലെ ആദ്യ ഫലസൂചനകൾ യുഡിഎഫ് സ്ഥാനാർഥിയായ കെ.എൻ.എ. ഖാദറിന് അനുകൂലം. എആർ നഗർ പഞ്ചായത്തിലെ വോട്ടെണ്ണിത്തുടങ്ങിയപ്പോൾ ഖാദർ 620 വോട്ടുകൾക്കു മുന്നിലാണ്. 1611 വോട്ടുകൾ ഖാദറിനു ലഭിച്ചപ്പോൾ പി.പി.ബഷീറിന് 1200 വോട്ട് ലഭിച്ചിട്ടുണ്ട്. തിരൂരങ്ങാടി പിഎസ്എംഒ കോളജിൽ രാവിലെ എട്ടു മണിക്കാണ് വോട്ടെണ്ണൽ ആരംഭിച്ചത്.
ആദ്യം എണ്ണുന്നത് പോസ്റ്റൽ വോട്ടാണെന്ന് അറിയിച്ചിരുന്നെങ്കിലും ആകെ ലഭിച്ചത് ഒരേയൊരു പോസ്റ്റൽ വോട്ട് മാത്രമാണ്. തുടർന്ന് എആർ നഗർ പഞ്ചായത്തിലെ വോട്ടെണ്ണൽ ആരംഭിച്ചു. ഉച്ചയ്ക്കു പന്ത്രണ്ടോടെ അന്തിമഫലമറിയാമെന്നാണു കരുതുന്നത്. 165 ബൂത്തുകളിലെ വോട്ട് 12 റൗണ്ടുകളിലായി എണ്ണും.