മദ്യരാജാവ് വിജയ് മല്യ ലണ്ടനില് അറസ്റ്റില്;നിമിഷങ്ങള്ക്കകം ജാമ്യം
3 October 2017
ലണ്ടന്: വായ്പ തിരിച്ചടയ്ക്കാതെ ഇന്ത്യയില്നിന്നു മുങ്ങിയ വിവാദ വ്യവസായി വിജയ് മല്യ ലണ്ടനില് അറസ്റ്റില്. എന്നാല് നിമിഷങ്ങള്ക്കകം മല്ല്യയ്ക്ക് കോടതി ജാമ്യം അനുവദിച്ചു. ഇത് രണ്ടാം തവണയാണ് മല്യ ലണ്ടനില് അറസ്റ്റിലാകുന്നതും കോടതി ജാമ്യം അനുവദിക്കുന്നതും. കള്ളപ്പണം വെളുപ്പിക്കല് തടയല് നിയമപ്രകാരമാണ് മല്യയെ അറസ്റ്റ് ചെയ്തത്. സ്കോട്ലന്ഡ് യാര്ഡ് ആണ് മല്യയെ അറസ്റ്റ് ചെയ്തത്.
വായ്പാ തട്ടിപ്പ് കേസില് ഇന്ത്യയിലെ കോടതികള് മല്ല്യയ്ക്കെതിരെ ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചിരുന്നു. ആറോളം അറസ്റ്റ് വാറണ്ടുകളാണ് മല്ല്യയ്ക്കെതിരെ ഇന്ത്യയില് നിലനില്ക്കുന്നത്.
രാജ്യത്തെ പതിനേഴു ബാങ്കുകളില് നിന്ന് വായ്പയെടുത്ത ഇനത്തില് 9,000 കോടി രൂപയോളം തിരിച്ചടച്ചില്ലെന്നാണ് കേസ്.