ഇവിടെ തക്കാളിക്ക് വില എത്രയെന്നോ?: കിലോയ്ക്ക് 300 രൂപ
പാകിസ്താനില് തക്കാളിക്ക് റെക്കോര്ഡ് വില. കിലോയ്ക്ക് 300 രൂപയാണ് വിവിധ ഇടങ്ങളില് കഴിഞ്ഞ ദിവസം ഈടാക്കിയതന്ന് പാക് മാധ്യമങ്ങള് റിപ്പോര്ട്ട് ചെയ്തു. ഇന്ത്യയില് നിന്നുള്ള തക്കാളി വരവ് നിലച്ചതോടെയാണ് വില ഇത്രയും കൂടിയത്.
ആഭ്യന്തര വിപണിയില് തക്കാളി കിട്ടാനില്ലാത്ത അവസ്ഥയാണുള്ളത്. ഇന്ത്യയില് നിന്ന് എല്ലാ വര്ഷവും പാകിസ്താനിലേക്ക് തക്കാളി ഇറക്കുമതി ചെയ്യാറുണ്ട്. ഇരു രാജ്യങ്ങളും തമ്മില് സംഘര്ഷം രൂക്ഷമായ സാഹചര്യത്തില് അതിര്ത്തിയില് കണ്ടെയ്നറുകള് കടത്തി വിടുന്നതില് കര്ശന നിയന്ത്രണം ഏര്പ്പെടുത്തിയതാണ് വിതരണം നിലക്കാനിടയാക്കിയത്.
സിന്ദ് പ്രവിശ്യകളില് നിന്നും ബലൂചിസ്ഥാനില് നിന്നുമാണ് ഇപ്പോള് തക്കാളിയും ഉള്ളിയും രാജ്യത്തിന്റെ വിവിധ വിപണികളിലേക്ക് എത്തുന്നത്. ഇന്ത്യയില് നിന്ന് സര്ക്കാര് ഇനി പച്ചക്കറികള് ഇറക്കുമതി ചെയ്യില്ലെന്ന് വ്യാപാരികള് പറയുന്നു.
ഇന്ത്യയുമായുള്ള ഉഭയകക്ഷി ബന്ധം മരവിച്ചതാണ് വിലക്കയറ്റത്തിന് കാരണമെന്ന് പാക് ഭക്ഷ്യ സുരക്ഷാ വകുപ്പ് മന്ത്രി സിക്കന്തര് ഹയാത്ത് പറഞ്ഞു.