യാത്രക്കാരുടെ ശ്രദ്ധയ്ക്ക്: ചില ട്രെയിനുകൾ റദ്ദാക്കി
22 August 2017
കനത്ത മഴയെ തുടർന്ന് രാജ്യത്തിന്റെ വടക്ക് കിഴക്കൻ മേഖലയിൽ റെയിൽവേ ട്രാക്കുകളിൽ വെള്ളം കയറിയതിനെത്തുടർന്ന് തിരുവനന്തപുരം സെൻട്രലിൽനിന്ന് ഇന്ന് വൈകിട്ട് അഞ്ചിനു പുറപ്പെടേണ്ട തിരുവനന്തപുരം- ഗോഹട്ടി എക്സ്പ്രസ് റദ്ദാക്കി.
കൊച്ചുവേളിക്കും കാരൈക്കലിനുമിടയിൽ സർവീസ് നടത്തുന്ന ചില ട്രെയിനുകളും യാത്രക്കാരുടെ കുറവിനെ തുടർന്ന് റദ്ദാക്കിയിട്ടുണ്ട്. കൊച്ചുവേളിയിൽനിന്ന് 23നും 30നും പുറപ്പെടേണ്ട കൊച്ചുവേളി- കാരൈക്കൽ പ്രത്യേക ട്രെയിൻ (ട്രെയിൻ നം. 06044), കാരൈയ്ക്കലിൽനിന്ന് 24നും 31നും പുറപ്പെടേണ്ട കൊച്ചുവേളി- കാരൈക്കൽ പ്രത്യേക ട്രെയിൻ (ട്രെയിൻ നം.06043) എന്നിവയാണ് റദ്ദാക്കിയത്.