ഗുജറാത്തിൽ ബിജെപി എംഎൽഎ വോട്ട് ചെയ്തത് കോൺഗ്രസിന്
9 August 2017
ഗുജറാത്ത് രാജ്യസഭാ തെരഞ്ഞെടുപ്പിൽ കോണ്ഗ്രസിന് വോട്ട് ചെയ്തെന്ന വെളിപ്പെടുത്തലുമായി ബിജെപി എംഎൽഎ നളിൻ കൊട്ടാഡിയ. ഫേസ്ബുക്കിലൂടെയാണ് അദ്ദേഹം ഇക്കാര്യം വെളിപ്പെടുത്തിയത്. ബിജെപിയുമായി ഇടഞ്ഞു നിൽക്കുന്ന എംഎൽഎയാണ് കൊട്ടാഡിയ. പട്ടേൽ സമുദായത്തെ ബിജെപി വഞ്ചിച്ചെന്നും അദ്ദേഹം ആരോപിച്ചു.
ഇതിനിടെ തെരഞ്ഞെടുപ്പിൽ കൂറുമാറി ബിജെപിക്ക് കുത്തിയ രണ്ട് കോൺഗ്രസ് എംഎൽഎമാരുടെ വോട്ട് തെരഞ്ഞെടുപ്പ് കമ്മീഷൻ അസാധുവാക്കി. വിമത കോൺഗ്രസ് എംഎൽഎമാരായ രാഘവ്ജി പട്ടേൽ, ഭോല ഗൊഹേൽ എന്നിവരുടെ വോട്ടുകളാണ് അസാധുവാക്കിയത്.