സ്‌പെയിനിൽ സംഗീത പരിപാടിക്കിടെ വേദിയില്‍ വന്‍ തീപിടുത്തം
30 July 2017
ബാഴ്സലോണ: സ്പെയിനിലെ ബാഴ്സലോണയിൽ സംഗീത പരിപാടിക്കിടെ പ്രധാന വേദിയില്‍ വന്‍ തീപിടുത്തം. ടുമോറോലാൻഡ് യുണൈറ്റ് സംഗീത പരിപാടിക്കിടെയാണു സംഭവം. തീപിടുത്തമുണ്ടായ ഉടന്‍ ആളുകളെ മാറ്റിയതിനാല്‍ വന്‍അപകടം ഒഴിവായി.
പ്രധാന വേദിയുടെ സമീപത്ത് നിന്ന് ഏകദേശം 22,000 ആളുകളെ ഒഴിപ്പിച്ചു. തീ അണയ്ക്കാനുള്ള ശ്രമം നടത്തുകയാണ്. അപകട കാരണമെന്നാണു ഇതുവരെ അറിവായിട്ടില്ല.
അതേസമയം സാങ്കേതിക തകരാറാണ് തീപിടുത്തത്തിന് കാരണമെന്നു ഫേസ്ബുക് പേജിലൂടെ ടുമോറോലാൻഡ് അറിയിച്ചു.
