പ്രമുഖ ഗാന്ധിയന് കെ.ഇ. മാമ്മന് അന്തരിച്ചു
26 July 2017
തിരുവനന്തപുരം: സ്വാതന്ത്ര്യ സമരസേനാനി കെ.ഇ മാമ്മന് അന്തരിച്ചു. 97 വയസായിരുന്നു. നെയ്യാറ്റിന്കരയിലെ സ്വകാര്യ ആശുപത്രിയിലായിരുന്നു അന്ത്യം. പക്ഷാഘാതത്തെ തുടര്ന്ന് 2013 ഡിസംബര് മുതല് ചികിത്സയിലായിരുന്നു. ഇന്ന് രാവിലെയോടെ ആരോഗ്യനില വഷളാവുകയും മരിക്കുകയുമായിരുന്നു.
കേരളത്തിലെ മദ്യവിരുദ്ധ മുന്നേറ്റങ്ങളുടെ മുന്നണിപ്പോരാളിയായിരുന്ന മാമ്മന്, ക്വിറ്റ് ഇന്ത്യ സമരത്തിലും സര് സിപിക്കെതിരായ പോരാട്ടത്തിലും പങ്കെടുത്തിട്ടുണ്ട്. പ്രശസ്തമായ കണ്ടത്തില് കുടുംബത്തില് കെ.സി. ഈപ്പന്റെയും കുഞ്ഞാണ്ടമ്മയുടെയും ഏഴുമക്കളില് ആറാമനായാണ് കണ്ടത്തില് ഈപ്പന് മാമ്മന് എന്ന കെ.ഇ. മാമ്മന് ജനിച്ചത്. അവിവാഹതനാണ്.