കുമ്മനത്തിന്റെയൊക്കെ വാക്കുകള് ആരും മുഖവിലയ്ക്ക് എടുക്കില്ല : പിണറായി
ബിജെപി സംസ്ഥാന അദ്ധ്യക്ഷൻ കുമ്മനം രാജശേഖരനെതിരേ രൂക്ഷവിമർശനവുമായി മുഖ്യമന്ത്രി പിണറായി വിജയൻ. കുമ്മനത്തിന്റെയൊക്കെ വാക്കുകള് ആരും മുഖവിലയ്ക്ക് എടുക്കില്ലല്ലോയെന്നാണു പിണറായി പറഞ്ഞത്.
പത്രസമ്മേളനത്തിനിടെ കോഴിക്കോട് ജില്ലാക്കമ്മിറ്റി ഓഫീസിനു നേരെയുണ്ടായ ആക്രമണം ജില്ലാ സെക്രട്ടറി പി മോഹനനെ ലക്ഷ്യം വച്ചുള്ളതായിരുന്നെന്നും ഈ ആക്രമണം ആസൂത്രിതമാണെന്നും മുഖ്യമന്ത്രി പറഞ്ഞിരുന്നു. ഇതിനിടെ സംസ്ഥാനത്തെ സി പി എം -ബി ജെ പി സംഘർഷവിഷയവുമായി ബന്ധപ്പെട്ട് കുമ്മനം രാജശേഖരൻ ഗവർണറെ കണ്ടകാര്യം ഓർമ്മിപ്പിച്ചപ്പോഴാണു പിണ്രായി കുമ്മനത്തിനെതിരെ ആഞ്ഞടിച്ചത്.
“അല്ല, കുമ്മനത്തിന്റെയൊക്കെ വാക്കു ആരുമിപ്പോ മുഖവിലയ്ക്കെടുക്കില്ലാല്ലോ? നേരിട്ടു ദൃശ്യം കാണുന്നതു തന്നെ മായയാണെന്നു പറഞ്ഞാൽ അതാരും വിശ്വസിക്കില്ലല്ലോ?“ പിണ്രായി ചോദിച്ചു.
സി പി ഐ എം ജനറൽ സെക്രട്ടറി സീതാറാം യെച്ചൂരിയെ ആക്രമിച്ചവരെ പോലീസ് പിടികൂടിയതു എല്ലാവരും കണ്ടിട്ടും അതു തങ്ങളല്ല എന്നു പറഞ്ഞ കുമ്മനത്തെ ആരും വിശ്വസിക്കില്ലെന്നും പിണറായി പറഞ്ഞു.