ത്രീ സ്റ്റാര്, ഫോര്സ്റ്റാര് ബാറുകള് തുറക്കുന്നു ; മദ്യനയത്തിന് ഇടതുമുന്നണിയുടെ അംഗീകാരം
സംസ്ഥാനത്ത് യുഡിഎഫ് സര്ക്കാര് അടച്ചുപൂട്ടിയതില് നിയമതടസമില്ലാത്ത എല്ലാ ബാറുകളും തുറക്കുന്നു. സര്ക്കാരിന്റെ പുതിയ മദ്യനയത്തിന് എല്ഡിഎഫ് അംഗീകാരം നല്കിയതോടെയാണിത്. ടൂറിസം മേഖലയ്ക്ക് പ്രത്യേക പരിഗണന നല്കുന്ന രീതിയിലാണ് മദ്യനയം തയ്യാറാക്കിയിരിക്കുന്നത്. നിയമപരമായ എതിര്പ്പില്ലാത്ത ത്രീ സ്റ്റാര്, ഫോര് സ്റ്റാര് ബാറുകള് തുറക്കാനുള്ള തീരുമാനമാകും മദ്യനയത്തിലെ പ്രധാന നിര്ദ്ദേശം. കള്ള് വ്യവസായത്തിന് പ്രത്യേക പരിഗണന നല്കും. ഇതിന്റെ ഭാഗമായി ഫൈവ് സ്റ്റാര് ബാറുകളില് കള്ള് ലഭ്യമാക്കണമെന്ന നിര്ദ്ദേശവും ഉണ്ട്.
പാതയോരത്തെ മദ്യഷാപ്പുകള്ക്ക് സുപ്രീംകോടതി നിരോധനം ഏര്പ്പെടുത്തിയതോടെ മദ്യവില്പനയില്നിന്നുള്ള വരുമാനത്തില് വന് ഇടിവുണ്ടായിരുന്നു. ബിവറേജസ് കോര്പറേഷന്റെ വരുമാനം കുത്തനെ ഇടിയുകയും
ചെയ്തു. ഈ സാഹചര്യത്തിലാണ് എല്ഡിഎഫ് സര്ക്കാരിന്റെ പുതിയ മദ്യനയം പെട്ടെന്നു കൊണ്ടുവരുന്നതെന്നാണ് സൂചന. മന്ത്രിസഭായോഗത്തിന് ശേഷമാകും മദ്യനയം പ്രഖ്യാപിക്കുക.