ഫോർട്ട് കൊച്ചിയിൽ രണ്ടു മൃതദേഹങ്ങൾ കണ്ടെത്തി; കൈകൾ തമ്മിൽ കൂട്ടിക്കെട്ടിയ നിലയിലായിരുന്ന മൃതദേഹങ്ങൾക്ക് 5 ദിവത്തോളം പഴക്കം
കൊച്ചി: ഫോർട്ട് കൊച്ചി കൽവാത്തി പാലത്തിനു സമീപം രണ്ടു മൃതദേഹങ്ങൾ കണ്ടെത്തി. ഏകദേശം 35 ഓളം പ്രായം തോന്നിപ്പിക്കുന്ന പുരുഷന്റെയും സ്ത്രീയുടെയും മൃതദേഹങ്ങളാണ് കണ്ടെത്തിയത്. കൈകൾ തമ്മിൽ കൂട്ടിക്കെട്ടിയ നിലയിലായിരുന്ന മൃതദേഹങ്ങൾ പാലത്തിനു താഴെയുള്ള പുഴയിൽ ഒഴുക്കുന്ന അവസ്ഥയിലാണ് കാണപ്പെട്ടത്. ആത്മഹത്യയാണെന്നാണ് പ്രാഥമിക നിഗമനം.
മൃതദേഹങ്ങൾക്കു അഞ്ചു ദിവസങ്ങളോളം പഴക്കമുണ്ടെന്നു കരുതുന്നതായും, അത് കൊണ്ടു തന്നെ മുഖം തിരിച്ചറിയാൻ സാധിക്കുന്നില്ലെന്നും ഫോർട്ട് കൊച്ചി എസ് എച് ഓ ആന്റണി ഇ വാർത്തയോട് പറഞ്ഞു.
മരിച്ചവരെ തിരിച്ചറിയാൻ ശ്രമങ്ങൾ തുടരുകയാണ്. പോലീസ് മേൽനടപടികൾ സ്വീകരിച്ചു. ഇൻക്വസ്റ്റ് നടപടികൾ പുരോഗമിച്ചു വരികയാണ്.