സെന്കുമാറിനെ പോലീസ് മേധാവിയായി നിയമിച്ചു.
തിരുവനന്തപുരം: സംസ്ഥാന സർക്കാർ ടി.പി.സെൻകുമാറിനെ പോലീസ് മേധാവിയായി പുനർനിയമിച്ചു. നിയമനത്തിൽ മുഖ്യമന്ത്രി പിണറായി വിജയൻ ഒപ്പുവച്ചു. ഉത്തരവ് ശനിയാഴ്ച സെൻകുമാറിന് കൈമാറും. പോലീസ് മേധാവി സ്ഥാനത്തുണ്ടായിരുന്ന ലോക്നാഥ് ബെഹ്റയെ വിജിലൻസ് മേധാവിയായും നിയമിച്ചു. എന്നാൽ അവധിയിൽ പ്രവേശിച്ച മുൻ വിജിലൻസ് ഡയറക്ടർ ജേക്കബ് തോമസിന്റെ കാര്യത്തിൽ തീരുമാനമായിട്ടില്ല.
സെന്കുമാര് കേസില് വ്യക്തത ചോദിച്ച് സംസ്ഥാന സര്ക്കാര് നല്കിയ ഹര്ജി കോടതി ചിലവായ 25,000 രൂപ പിഴ സഹിതം സുപ്രീം കോടതി തള്ളിയിരുന്നു. കോടതിയലക്ഷ്യ ഹര്ജി പരിഗണിക്കുന്ന ചൊവ്വാഴ്ചയ്ക്ക് മുമ്പ് നിയമനം നടന്നില്ലെങ്കില് അത് സര്ക്കാരിനെതിരായ ഗുരുതരമായ പരാമര്ശങ്ങള്ക്കും ചീഫ് സെക്രട്ടറിയെ വിളിപ്പിക്കുന്നതിലേക്കോ ഒക്കെ നീങ്ങിയേക്കാമെന്നുള്ള സാഹചര്യത്തിലാണ് സര്ക്കാര് നടപടി.
സെൻകുമാറിനെ പോലീസ് മേധാവിയായി ഇന്ന് തന്നെ നിയമിക്കണമെന്ന് സിപിഎം സെക്രട്ടറിയേറ്റ് ആവശ്യപ്പെട്ടിരുന്നു.