പ്രതിഫല തുക കുത്തനെ ഉയര്‍ത്തിയെന്ന വാര്‍ത്തകള്‍ക്കെതിരെ നടി പാര്‍വതി രംഗത്ത്; അടിസ്ഥാനരഹിതമായ ലേഖനങ്ങള്‍ നീക്കം ചെയ്ത് മാധ്യമങ്ങള്‍ നിലവാരങ്ങള്‍ ഉയര്‍ത്തിപ്പിടിക്കുക
കൊച്ചി: പ്രതിഫല തുക കുത്തനെ ഉയര്‍ത്തിയെന്ന വാര്‍ത്തകള്‍ക്കെതിരെ പാര്‍വതി രംഗത്ത്. മാധ്യമങ്ങളില്‍ വന്ന വാര്‍ത്തകള്‍ അടിസ്ഥാനരഹിതമെന്നും നടി തന്റെ ഫെയിസ് ബുക്ക് പോസ്റ്റിലൂടെ പറഞ്ഞു.
കലാകാരന്മാരുടെ ശമ്പള വാര്‍ത്ത സൃഷ്ടിക്കുന്നത് തെറ്റാണ്. അത്തരം തെറ്റായ, അടിസ്ഥാനരഹിതമായ ലേഖനങ്ങള്‍ നീക്കം ചെയ്ത് മാധ്യമങ്ങള്‍ നിലവാരങ്ങള്‍ ഉയര്‍ത്തിപ്പിടിക്കണമെന്ന് പാര്‍വതി പറഞ്ഞു.
എങ്ങനെയാണ് നിങ്ങള്‍ ധാര്‍മ്മികതയിലേക്ക് എത്തുന്നത് എന്ന് ചോദിച്ചുകൊണ്ടാണ് ഫെയിസ് ബുക്ക് പോസ്റ്റില്‍ തനിക്കു എത്ര പണം ലഭിക്കുന്നുവെന്നത് ഒരു ചാനലിനോ വെബ്‌സൈറ്റിലേക്കോ വെളിപ്പെടുത്തിയതായി താൻ ഓര്‍ക്കുന്നില്ലെന്നും തനിക്കു ഒരു മീഡിയ ഏജന്റുമായോ പത്രപ്രവര്‍ത്തകനില്‍ നിന്നോ ഒരു സന്ദേശവും ലഭിച്ചിട്ടില്ലെന്നും പാര്‍വതി പറയുന്നു. വെബ് സൈറ്റുകളും വാര്‍ത്താ ചാനലുകളും എന്റെ പ്രതിഫലം എത്രമാത്രം നിശ്ചയിച്ചിരിക്കുന്നു, എന്റെ വിലയെ ഞാന്‍ ‘വര്‍ദ്ധിപ്പിച്ചു’! വസ്തുതകള്‍ പരിശോധിക്കുന്നത് എത്ര ബുദ്ധിമുട്ടാണ്? ഒരു പത്രപ്രവര്‍ത്തകന്‍ എടുക്കേണ്ട ഏറ്റവും അടിസ്ഥാനപരമായ നടപടികളല്ലെ അതെന്നും പാര്‍വതി ഉന്നയിക്കുന്നു.
‘സ്രോതസനുസരിച്ച്’ എന്ന വാചകം ഏറ്റവും വൃത്തിഹീനമായ കള്ളം പറഞ്ഞുകൊണ്ട് കഥകള്‍ പ്രചരിപ്പിക്കാന്‍ പ്രേരിപ്പിക്കുന്നത് വാര്‍ത്തകളുടെ അഭാവം കൊണ്ടാണോ എന്നും താൻ എത്ര പണം പ്രതിഫലം വാങ്ങുന്നു എന്നത് നിര്‍മ്മാതാവും താനും ഒഴികെ മറ്റൊരാളുടെ വ്യാപാരമല്ല. കൂടാതെ, വേതന വൈകല്യത്തെക്കുറിച്ചാണ് താൻ സംസാരിക്കുന്നത്, നിങ്ങളുടെ താല്‍പ്പര്യാര്‍ത്ഥം അത്തരം ഒരു നീക്കത്തിന് ഒരു കാരണവും നല്‍കുന്നില്ല. വേതന വൈകല്യം എന്നത് ഒരു സാമൂഹ്യ പ്രശ്‌നമാണ്, അത് ചര്‍ച്ച ചെയ്യേണ്ടവയാണെന്നും പാര്‍വതി പറഞ്ഞു.
മലയാളത്തില്‍ ഇപ്പോള്‍ ഏറ്റവും ഉയര്‍ന്ന പ്രതിഫലം വാങ്ങുന്ന നടിയാണു പാര്‍വതി. ടേക്ക് ഓഫിന്റെ സമയത്ത് 35 ലക്ഷമായിരുന്നു ഇവരുടെ പ്രതിഫലം. എന്നാല്‍ തുടര്‍ച്ചയായി ഉണ്ടായ വിജയത്തെ തുടര്‍ന്നു നടി ഇത് ഒരു കോടി രൂപയായി ഉയര്‍ത്തിയെയിരുന്നു വാര്‍ത്ത. മലയാളത്തില്‍ ഏറ്റവും ഉയര്‍ന്ന പ്രതിഫലം വാങ്ങിയിരുന്നത് മഞ്ജു വാര്യരായിരുന്നു. 50 ലക്ഷമായിരുന്നു ഇവരുടെ പ്രതിഫലം. എന്നാല്‍ ഇതിന്റെ ഇരട്ടിയാണു പാര്‍വതിയുടെ പ്രതിഫലമെന്നു റിപ്പോര്‍ട്ടുകള്‍ അടുത്തിടെ സൂചിപ്പിച്ചിരുന്നു. തമിഴില്‍ രണ്ടര കോടി വാങ്ങുന്ന നയന്‍താര മലയാളത്തില്‍ വാങ്ങുന്നതു 30 ലക്ഷമായിരുന്നു എന്നും ഇതുമായി ബന്ധപ്പെടുത്തി വാർത്തകൾ പരക്കെ പരന്നിരുന്നു .
