പ്രതീക്ഷിച്ചത് രണ്ടുലക്ഷം വോട്ട്; തിരിച്ചടിയായത് വെള്ളാപ്പള്ളിയുടെ പ്രസ്താവനയാണെന്നു ഒ രാജഗോപാൽ
മലപ്പുറം ഉപതെരഞ്ഞെടുപ്പിൽ ബിജെപി പ്രതീക്ഷിച്ചിരുന്നത് രണ്ടുലക്ഷം വോട്ടുകളാണെന്നു പാർട്ടി എംഎൽഎ ഒ രാജഗോപാൽ. രണ്ടുലക്ഷം വോട്ടുകൾ കിട്ടുമെന്ന കണക്കുകൂട്ടലിലാണ് ബിജെപി പ്രവർത്തിച്ചത്. എന്നാൽ തെരഞ്ഞെടുപ്പിനിടയിൽ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന്റ പ്രസ്താവനകൾ ആ ലക്ഷ്യത്തിനു തിരിച്ചടിയാവുകയായിരുന്നുവെന്നും അദ്ദേഹം പറഞ്ഞു. പാർട്ടി കോർകമ്മിറ്റിയിലാണ് രാജഗോപാൽ ഇക്കാര്യം പറഞ്ഞത്.
ഇതിനിടെ മലപ്പുറം ഉപതെരഞ്ഞടുപ്പിൽ പാർട്ടിയുടെ പരാജയത്തെ രൂക്ഷമായി വിമർശിച്ച് ബിജെപി കോർകമ്മിറ്റി രംഗത്തെത്തി. . ബിജെപിയുടെ പ്രകടനം മോശമായി പോയെന്നു കമ്മിറ്റി അഭിപ്രായപ്പെട്ടു. ഓരോ മണ്ഡലത്തിലും ചുമതലക്കാരെപ്പോലും നിശ്ചയിക്കാനായില്ലെന്നും നേതാക്കൾ പറഞ്ഞു.
മലപ്പുറത്തെ രാഷ്ടീയ സാഹചര്യം പഠിക്കുന്നതിൽ പാർട്ടി പരജയപ്പെട്ടുവെന്ന അഭിപ്രായവും കോർകമ്മിറ്റിയിലുണ്ടായി.