മാനഭംഗശ്രമം:”നീലാകാശം പച്ചക്കടല് ചുവന്ന ഭൂമി” തിരക്കഥകൃത്തിനെ മൂന്നരവര്ഷത്തെ തടവിന് ശിക്ഷിച്ചു
കൊച്ചി: യുവതിയെ കടന്നുപിടിച്ചെന്ന കേസില് തിരക്കഥാകൃത്ത് മുഹമ്മദ് ഹാഷിറിന് മൂന്നരവര്ഷത്തെ തടവിന് ശിക്ഷിച്ചു. എറണാകുളം അഡീഷനല് സെഷന്സ് വിവിധ വകുപ്പുകളിലായി മൂന്നരവര്ഷം തടവും 40,000 രൂപ പിഴയും വിധിച്ചത്.
ശിക്ഷ ഒരുമിച്ച് രണ്ടുവര്ഷം അനുഭവിച്ചാല് മതിയെന്നാണ് കോടതിയുടെ നിര്ദേശം. സമീര് താഹിറിന്റെ സംവിധാനത്തില് ദുല്ഖര് സല്മാന് നായകനായി അഭിനയിച്ച നീലാകാശം പച്ചക്കടല് ചുവന്നഭൂമി, അഞ്ചുസുന്ദരികള് എന്ന ചിത്രത്തിലെ ആമി എന്നിവയുടെ തിരക്കഥാകൃത്താണ് ഹാഷിര് മുഹമ്മദ്.
പ്രായമായ മാതാപിതാക്കളുടെ ഏക ആശ്രയം താനാണെന്ന് കോടതിയെ പ്രതി അറിയിച്ചു. മുന്പ് ഇത്തരം കുറ്റകൃത്യങ്ങളില് പ്രതി ഏര്പ്പെട്ടിട്ടില്ലെന്നത് പരിഗണിച്ചാണ് ശിക്ഷ കോടതി മൂന്നുവര്ഷമായി കുറച്ചത്.
കൊച്ചിയിലെ മരടിലെ ഒരു ഫ്ളാറ്റില്വെച്ച് സമീപത്തെ ഫ്ളാറ്റില് താമസിച്ചിരുന്ന യുവതിയെയാണ് ഹാഷിര് കയറിപിടിച്ചത്. യുവതിയുടെ പരാതിയില് ഇയാളെ പൊലീസ് കസ്റ്റഡിയില് എടുക്കുകയും കഞ്ചാവ് പിടിച്ചെടുക്കുകയും ചെയ്തിരുന്നു.ദൈവത്തിന്റെ നിര്ദ്ദേശപ്രകാരമാണ് താന് യുവതിയെ ബലാത്സംഗം ചെയ്യാന് ശ്രമിച്ചതെന്നായിരുന്നു ചോദ്യം ചെയ്യലിൽ ഹാഷിര് മുഹമ്മദ് പറഞ്ഞത്.ഏഴു പാപങ്ങള് ചെയ്യാനുളള ദൈവത്തിന്റെ നിര്ദേശം പിന്തുടരുക മാത്രമാണ് താന് ചെയ്തതെന്നുമായിരുന്നു ഇയാളുടെ വാദങ്ങള്.