പെട്രോളിന്റെയും ഡീസലിന്റെയും എക്സൈസ് തീരുവ കൂട്ടി
31 January 2016
രാജ്യത്ത്‌ പെട്രോള്‍, ഡീസല്‍ ഇന്ധനങ്ങളുടെ എക്സൈസ് നികുതി കേന്ദ്ര സര്‍ക്കാര്‍ വീണ്ടും വര്‍ധിപ്പിച്ചു. പെട്രോളിന് ഒരുരൂപയും ഡീസലിന് 1.50 രൂപയുമാണ് കൂട്ടിയത്. ഇതുവഴി 3,200 കോടി രൂപയുടെ അധികവരുമാനം കേന്ദ്രം ലക്ഷ്യമിടുന്നു. ഈ മാസം ഇതു മൂന്നാം തവണയാണു കേന്ദ്ര സര്‍ക്കാര്‍ പെട്രോള്‍, ഡീസല്‍ എന്നിവയുടെ എക്സൈസ് നികുതി വര്‍ധിപ്പിക്കുന്നത്‌.ജനവരി 15നാണ് അവസാനമായി തീരുവ കൂട്ടിയത്. അന്ന് 0.75 രൂപ പെട്രോളിനും രണ്ടുരൂപ ഡീസലിനും കൂട്ടിയിരുന്നു.
