എയര്‍ ഇന്ത്യ എയര്‍പോര്‍ട്ട് മാനേജര്‍ക്ക് മര്‍ദ്ദനം; വൈ.എസ്.ആര്‍ കോണ്‍ഗ്രസ് എം.പി അറസ്റ്റില്‍
17 January 2016
ഹൈദരാബാദ്: എയര്‍ ഇന്ത്യ എയര്‍പോര്‍ട്ട് മാനേജരെ മര്‍ദ്ദിച്ചുവെന്ന കേസില്‍ വൈ.എസ്.ആര്‍ കോണ്‍ഗ്രസ് എം.പി മിഥുന്‍ റെഡ്ഡി അറസ്റ്റില്‍. ഇന്ന് പുലര്‍ച്ചെയായിരുന്നു അറസ്റ്റ്. കഴിഞ്ഞ നവംബറിലാണ് തിരുപ്പതി വിമാനത്താവളത്തില്‍ വെച്ച് കേസിനാസ്പദമായ സംഭവം നടന്നത്. ബോര്‍ഡിംഗ് സമയത്തിന് ശേഷം എത്തിയ എം.പിയുടെ ബന്ധുവിനെ വിമാനത്തില്‍ കയറാന്‍ അനുവദിക്കാത്തതിനാലാണ് എം.പി മാനേജരെ മര്‍ദിച്ചത്. ആന്ധ്രപ്രദേശിലെ രാജംപേട്ടില്‍ നിന്നുള്ള എം.പിയാണ് മിഥുന്‍ റെഡ്ഡി.
