നാല്‍പ്പത്തിയാറുകാരനായ ഹൈദരാബാദ് സ്വദേശി മുഹമ്മദ് അക്രം ഖാനെ നാലു വയസ്സുകാരിയെ പീഡിപ്പിച്ചതിന് പോലീസ് അറസ്റ്റ് ചെയ്തു; പീഡനത്തിനുത്തരവാദി നാലുവയസ്സുകാരിയായ പെണ്‍കുട്ടിയെന്ന് പ്രതി
നാല്‍പ്പത്തിയാറുകാരനായ ഹൈദരാബാദ് സ്വദേശി മുഹമ്മദ് അക്രം ഖാനെ നാലു വയസ്സുകാരിയെ പീഡിപ്പിച്ചതിന് പോലീസ് അറസ്റ്റ് ചെയ്തു. ഇയാള്‍ സ്വന്തം വീട്ടില്‍ വച്ചാണ് കുട്ടിയെ പീഡിപ്പിച്ചിരുന്നത്. വീട്ടിലെ സിസിടിവിയില്‍ പീഡന ദൃശ്യങ്ങള്‍ റെക്കോര്‍ഡ് ആകുകയും അത് പുറത്തുവരികയും ചെയ്തതിനെ തുടര്‍ന്നാണ് പറംലോകം സംഭവമറിഞ്ഞത്.
സിസിടിവി ടെക്‌നീഷ്യന്‍ ദൃശ്യങ്ങള്‍ ടെക്‌നീഷ്യന്‍ ബാക്ക്അപ്പ് ചെയ്യുന്നതിനിടെ പീഡന ദൃശ്യങ്ങള്‍ ശ്രദ്ധയില്‍പ്പെടുകയും ഈ ക്രൂരദൃശ്യങ്ങള്‍ കണ്ട ടെക്‌നീഷ്യന്‍ വിവരം പൊലീസില്‍ അറിയിക്കുകയുമായിരുന്നു. എന്നാല്‍ നാലുവയസ്സുകാരിയായ പെണ്‍കുട്ടിയാണ് സംഭവങ്ങള്‍ക്ക് ഉത്തരവാദിയെന്ന് അക്രം ഖാന്‍ ആരോപിച്ചു. കുട്ടിയാണ് തന്നെ സമീപിച്ചതും തന്നോട് അടുപ്പം കാട്ടിയതുമെന്ന് അക്രം ഖാന്‍ പറഞ്ഞു.
ചുനെ കി ബാതി എന്ന സ്ഥലത്താണ് അക്രം ഖാന്റെ വീട് സ്ഥിതി ചെയ്യുന്നത്. ഇയാളുടെ അയല്‍വാസിയാണ് പീഡനത്തിനിരയായ പെണ്‍കുട്ടി. ദൃശ്യങ്ങള്‍ കണ്ട പൊലീസ് സ്വയം കേസെടുത്ത് അന്വേഷണം നടത്തുകയായിരുന്നു. ഭര്‍ത്താവിന്റെ പെരുമാറ്റത്തില്‍ സംശയം തോന്നിയ ഭാര്യയാണ് ഭര്‍ത്താവിനെ അറിയിക്കാതെ വീട്ടില്‍ സിസിടിവി ക്യാമറ വച്ചത്.
