ജമ്മുകാശ്മീരില് തീവ്രവാദികള്ക്കെതിരെ ധീരമായി പോരാടി വീരമൃത്യു വരിച്ച മലയാളി സൈനികന് അനീഷ് ഇനി ജ്വലിക്കുന്ന ഓര്മ്മ
10 July 2015
ജമ്മുകാശ്മീരില് തീവ്രവാദികള്ക്കെതിരെ ധീരമായി പോരാടി വീരമൃത്യു വരിച്ച മലയാളി സൈനികന് അനീഷ് ഇനി ജ്വലിക്കുന്ന ഓര്മ്മ. തിരുവട്ടാര് മണലിക്കര സ്വദേശി അനീഷാണ് (22) ജമ്മു കാശ്മീരില് തീവ്രവാദി ആക്രമണത്തില് കൊല്ലപ്പെട്ടത്.
എല്ലമ്മാവിള ധര്മരാജ്- വനജാ ദമ്പതിമാരുടെ മകനാണ് അനീഷ്. കാശ്മീരില് തെരച്ചില് നടത്തുകയായിരുന്ന ഏഴ് പേരടങ്ങുന്ന സൈനിക സംഘത്തെ കുറ്റിക്കാടുകള്ക്കിടയില് മറഞ്ഞ് നിന്ന തീവ്രവാദികള് ആക്രമിക്കുകയായിരുന്നു. സൈന്യം ശക്തമായി തിരിച്ചടിച്ചെങ്കിലും അനീഷ് ആക്രമണത്തില് കൊല്ലപ്പെട്ടു. ബുധനാഴ്ച രാത്രി 8 മണിയോടെയാണ് സൈനികവൃത്തങ്ങള് മരണവിവരം അറിയിച്ചതെന്ന് ബന്ധുക്കള് പറഞ്ഞു
അനീഷ് നാല് വര്ഷങ്ങള്ക്കുമുമ്പാണ് കരസേനയില് ചേര്ന്നത്. ജമ്മുകാശ്മീരിലെ പ്രശ്നബാധിത മേഖലയില് രണ്ട് വര്ഷമായി സേവനമനുഷ്ടിക്കുകയായിരുന്നു. അനിഷയാണ് സഹോദരി.