കൊല്‍ക്കത്തയിൽ യുവതിയെ ആശുപത്രി ജീവനക്കാര്‍ ബലാത്സംഗം ചെയ്തു
31 May 2015
കൊല്‍ക്കത്തയിലെ ആര്‍. ജി കര്‍ ആശുപത്രിയില്‍ പ്രവേശിപ്പിച്ച ബന്ധുവിനെ കാണാനെത്തിയ യുവതിയെ രണ്ട് ആശുപത്രി ജീവനക്കാര്‍ ചേര്‍ന്ന് ബലാത്സംഗം ചെയ്തു. ഇന്നുപുലര്‍ച്ചെയാണ് സംഭവമുണ്ടായത്.
മുര്‍ഷിദാബാദ് ജില്ലയിലെ ബഹ്‌റാംപൂര്‍ സ്വദേശിയായ 24-കാരിയാണ് കൂട്ടബലാത്സംഗത്തിന് ഇരയായത്. ആശുപത്രിയിലെ ലിഫ്റ്റ് ഓപ്പറേറ്റര്‍മാരായ മോസം അലി ഖാന്‍, ഹൈദര്‍ അലി എന്നിവരെ പോലീസ് അറസ്റ്റുചെയ്തു. സംഭവം പുറത്തറിഞ്ഞതിനെ തുടര്‍ന്ന് ആശുപത്രിയിലേക്ക് മനുഷ്യാവകാശ സംഘടനകള്‍ പ്രതിഷേധമാര്‍ച്ച് നടത്തി.
